![](http://www.doca.gov.mm/sites/default/files/styles/consumer_inner_image__847x424_/public/ကုလားပဲရွက်.jpg?itok=UPHLrksf)
ပြည်ပဲဈေးကွက်အတွင်း ပဲမျိုးစုံနေ့စဉ်ရောင်းဝယ်မှုဖြစ်နေပြီး ကုလားပဲသီးနှံသည်လည်း ပဲအဟောင်း လက်ကျန်များဖြင့် ဒေသတွင်း ပဲခွဲစက်သမားများ ပုံမှန်ဝယ်ယူလျက်ရှိခဲ့ကြသလို ကုလားပဲရွက်များလည်း ဟင်းသီးဟင်းရွက် ဈေးကွက်အတွင်း ရောင်းချနေကြသည်ကို တွေ့ရပါသည်။ ကုလားပဲရွက်အား အရည်သောက်ချက်၍ တစ်မျိုးကြော်၍ တစ်ဖုံချက်ပြုတ်စားသောက်ရသည့်အတွက် ယခုကာလ ရာသီစာအဖြစ် အိမ်ရှင်မများ ဝယ်ယူချက်ပြုတ်စားသောက်ကြကြောင်း သိရပါသည်။ ကုလားပဲရွက် တစ်ဆယ်ကျပ်သားလျှင် ၁၀၀၀ ကျပ်ဖြင့် ရောင်းချကြသည့်အတွက် ကုလားပဲရွက် တစ်ပိဿာ ၁၀၀၀၀ ကျပ်နှုန်း ပေါက်ဈေးရှိကြောင်းသိရပါသည်။ ဒါကြောင့် ကုလားပဲသီးနှံသည် ပဲသီးနှံသာမက အရွက်ကပါ ဈေးကောင်းရနေသည့်အတွက် အချို့တောင်သူများကလည်း ခေါင်ညွန့် အရွက်များအား ခူးယူရောင်းချကြရသောကြောင့် ပဲအပင်ကတည်းကပင် ဝင်ငွေရနေသော သီးနှံပင် အမျိုးအစားဖြစ်ကြောင်း သိရပါသည်။
DOCA(ပဲခူး)