စားသုံးသူရေးရာဦးစီးဌာနသည် ပြည်သူများအား စားဝတ်နေရေး အထောက်အပံ့ဖြစ်စေရန် ရည်ရွယ်၍ တန်ဖိုးသင့်စားသောက်ကုန်များဖြစ်သည့် စားအုန်းဆီများအား ဈေးနှုန်းချိုသာစွာဖြင့် ရောင်းချပေးရေးနှင့် ပြည်တွင်း၌ထုတ်လုပ်သော စားသောက်ကုန်ထုတ်လုပ်သည့် လုပ်ငန်းရှင်များ အား လုပ်ငန်းစဉ်ဆက်မပြတ်လည်ပတ်နိုင်ရန် လုပ်ငန်းသုံးဆီရရှိရေး ဆောင်ရွက်ပေးလျက် ရှိပါ သည်။
စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်ဦးစီးမှူးနှင့် ဝန်ထမ်းများသည် (၆.၁.၂၀၂၄)ရက်နေ့တွင် မင်းဘူး(စကု)မြို့ပေါ်ရှိ ဆီခွဲတမ်းအလုံးရေ(၆၄)လုံးရရှိသော ဆိုင်(၁၄)ဆိုင် သို့ နံနက်(၀၇:၀၀)နာရီ အချိန်တွင်လည်းကောင်း၊ ပွင့်ဖြူမြို့ပေါ်ရှိ ဆီခွဲတမ်းအလုံးရေ(၁၁)လုံး ရရှိသော ဈေးဆိုင်(၉)ဆိုင်သို့ နံနက်(၁၀:၀၀)နာရီအချိန်တွင်လည်းကောင်း၊ စလင်း(ဆင်ဖြူကျွန်း)မြို့ ပေါ်ရှိ ဆီပေပါအလုံးရေ (၅၅)လုံးရရှိသည့် ဆိုင်(၁၂)ဆိုင်သို့ နေ့လည်(၁၂:၀၀)နာရီ အချိန်တွင်လည်းကောင်း ခွဲတမ်းရရှိသည့် စားအုန်း ဆီများအား သွားရောက်စစ်ဆေးခဲ့ပြီး ခရိုင်ဦးစီးမှူးမှ စားအုန်းဆီများအား ဈေးကစားရန် ရည်ရွယ်ချက်ဖြင့် သိုလှောင်ထားခြင်း၊ ဈေးနှုန်းမြင့်တင် ရောင်းချခြင်းမပြုဘဲ သတ်မှတ် ရည်ညွှန်းဈေးနှုန်းများအတိုင်း ရောင်းချပေးရန်၊ ရောင်းချရာတွင် နေရာဒေသအနှံ့ရောက်အောင် ပြန့်ပြန့်နှံ့နှံ့ရောင်းချပေးရေးနှင့် လုပ်ငန်းရှင်များအနေဖြင့် ဌာနမှ ထုတ်ပြန်ထားသော ဥပဒေညွှန်ကြားချက်များကို လိုက်နာဆောင်ရွက်ကြရန် လိုအပ်ကြောင်းနှင့် ဥပဒေညွှန်ကြားချက်များကိုလိုက်နာမှုရှိ/မရှိ ယခုကဲ့သို့ ကွင်းဆင်းစစ်ဆေးခြင်း လုပ်ငန်းများကို စဉ်ဆက်မပြတ် ဆောင်ရွက်သွားမည်ဖြစ်ကြောင်း ဆွေးနွေးပြောကြားခဲ့ကြောင်း သိရှိရပါသည်။
DOCA(မကွေး)