![](http://www.doca.gov.mm/sites/default/files/styles/consumer_inner_image__847x424_/public/အုန်း.jpg?itok=hLLXvmV4)
စားသုံးသူရေးရာဦးစီးဌာနအနေဖြင့် စားသုံးသူကာကွယ်ပေးရေး အသိပညာပေးလုပ်ငန်းများကို စီမံချက်များချမှတ်၍ ဆောင်ရွက်လျက်ရှိရာ ၂၀၂၂ ခုနှစ် ဇန်နဝါရီလ ၂၁ ရက်နေ့တွင် ဧရာဝတီတိုင်းဒေသကြီး၊ ဟင်္သာတခရိုင်၊ ကြံခင်းမြို့နယ်၊ မြို့နယ်ဦးစီးမှူးနှင့် အဖွဲ့သည် ကြံခင်းမြို့နယ် ရွာသစ်ရပ်ကွက်ရှိ မုန့်လုပ်ငန်းရှင် (၇)ဦးအား စားသုံးသူကာကွယ်ရေးနှင့် ထုတ်ကုန်လုံခြုံစိတ်ချရမှုဆိုင်ရာ အသိပညာပေး ဆွေးနွေးဟောပြောခြင်း ဆောင်ရွက်ခဲ့ကြောင်း သိရပါသည်။
ဟောပြောပွဲတွင် စားသုံးသူရေးရာဦးစီးဌာန မြို့နယ်ဦးစီးမှူး ဦးကျော်နိုင်ဝင်းက စားသုံးသူကာ ကွယ်ရေးဥပဒေပါ အခန်း(၁၈) ပုဒ်မ(၄၁)(၄၃)အရ ကုန်အညွှန်းအမှတ်အသားဖော်ပြခြင်းဆိုင်ရာ စီးပွားရေးလုပ်ငန်းရှင်များ လေးစာလိုက်နာရမည့် အကြောင်းအရာများ၊ မြန်မာနိုင်ငံစားသုံးသူ ကာကွယ် ရေးကော်မရှင်၏ ညွှန်ကြားချက်အမှတ် (၂/၂၀၁၉) အကြောင်း သိကောင်းစရာများ၊ စားသုံးသူ၏အခွင့် အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ အကြောင်း၊ ပြစ်မှုပြစ်ဒဏ်များ အကြောင်း တို့ကို ဆွေးနွေးဟောပြောခဲ့ပါသည်။တက်ရောက်လာသူများမှလည်း သိလိုသည်များကို မေးမြန်းခဲ့ပြီး စားသုံးသူ ကာကွယ်ရေးဥပဒေစာအုပ်နှင့် လက်ကမ်းစာစောင် များပေးဝေခဲ့ကြောင်းသိရှိရပါသည်။
DOCA(ဧရာဝတီ)