“မြန်မာ့ရော်ဘာထုတ်လုပ်မှုနှင့် ဈေးကွက်ဝင်ရောက်မှုမြှင့်တင်ရေးအလုပ်ရုံဆွေးနွေးပွဲ” ကို (၃၀-၁-၂၀၂၄) ရက်နေ့တွင် မော်လမြိုင်မြို့၊ Royal Mawlamyine ၌ကျင်းပပြုလုပ်ခဲ့ရာ အဆိုပါ အလုပ်ရုံဆွေးနွေးပွဲသို့ မွန်ပြည်နယ်ဝန်ကြီးချုပ်၊ အစိုးရအဖွဲ့ဝင်ဝန်ကြီးများ၊ စားသုံးသူရေးရာဦးစီးဌာန၊ ပြည်နယ်ဦးစီးမှူးအပါအဝင် ဌာနဆိုင်ရာတာဝန်ရှိပုဂ္ဂိုလ်များ၊ ရော်ဘာလုပ်ငန်းရှင်များ၊ ရော်ဘာစိုက်တောင်သူများတက်ရောက်ခဲ့ကြသည်။
အလုပ်ရုံဆွေးနွေးပွဲဖွင့်ပွဲအခမ်းအနားတွင် မွန်ပြည်နယ်ဝန်ကြီးချုပ်က အဖွင့်အမှာစကားပြောကြားခဲ့ပြီး မြန်မာ့ကုန်သွယ်မှုမြှင့်တင်ရေးအဖွဲ့၊ ဒုတိယညွှန်ကြားရေးမှူးချုပ်အနေဖြင့်လည်း အမှာစကားပြောကြားခဲ့ပါသည်။
ဆက်လက်၍ အလုပ်ရုံဆွေးနွေးပွဲအား ဆက်လက်ကျင်းပခဲ့ရာ အရည်အသွေးမီသော ရော်ဘာများစိုက်ပျိုးထုတ်လုပ်ခြင်းအကြောင်းအရာများ၊ ရော်ဘာစံချိန်စံညွှန်းများအကြောင်း၊ ရော်ဘာစိုက်ပျိုးထုတ်လုပ်ခြင်းနှင့် စိုက်ပျိုးခြင်းအကြောင်း၊ စနစ်တကျရော်ဘာအစေးခြစ်ခြင်းနှင့် ရော်ဘာကုန်ကြမ်းများကို ဈေးကွက်သို့တင်ပို့ခြင်း စသည့်အကြောင်းအရာများဆွေးနွေးခဲ့ကြောင်းသိရှိရပါသည်။
DOCA(မွန်)