စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးကွပ်ကဲမှုအောက်ရှိ တိုက်ကြီးမြို့နယ်တာဝန်ခံ ဒေါ်တင်တင်ဌေး၊ ရုံးအုပ်ပါ (၂)ဦးတို့သည် မြို့မဈေးရှိ ဈေးရုံးခန်းမတွင် ဈေးသူ/ ဈေးသားများအား စားသုံးသူကာကွယ်ရေးဟောပြောဆွေးနွေးခဲ့ပါသည်။
ထိုသို့ဟောပြောဆွေးနွေးရာတွင် တိုက်ကြီးမြို့နယ် တာဝန်ခံ ဒေါ်တင်တင်ဌေးက စားသုံးသူဝယ်ယူသုံးစွဲမှုအဆင်ပြေစေရေး၊ အစားအသောက်ဘေးအန္တရာယ်ကင်းရှင်းစေရေးအတွက် စီးပွားရေးလုပ်ငန်းရှင်များ၏တာဝန်များ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ သိရှိလိုက်နာရမည့်အချက်များအပေါ် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြား ဘာသာတစ်ခု (သို့မဟုတ်) တစ်ခုထက်ပို၍တွဲလျက်ဖြစ်စေ ရေးသားဖော်ပြမှုတွင်ပါဝင်သော ကုန်ပစ္စည်းများရောင်းချစေရန်လိုအပ်ကြောင်း အဓိကဟောပြောဆွေးနွေးခဲ့ပြီး ဈေးကွက်အတွင်း ဆေးနှင့်ဆေးပစ္စည်းများကိုလည်း ဈေးနှုန်းမြှင့်တင်ရောင်းချမှုမရှိစေရန်အတွက် အချိန်နှင့်တပြေးညီ သက်ဆိုင်ရာဌာနများနှင့်အတူ ကွင်းဆင်းဆောင်ရွက်လျက်ရှိရာ စားသုံးသူပြည်သူများအပေါ် အဓိကအလေးထားဆောင်ရွက်လျက်ရှိကြောင်း ဟောပြောဆွေးနွေးခဲ့ပါသည်။
DOCA(ရန်ကုန်)