စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဦး ဒုဦးစီးမှူးအပါအဝင် ဝန်ထမ်း (၄) ဦးတို့သည် (၂၂-၂-၂၀၂၄)ရက်နေ့၊ နံနက်(၁၀:၄၀)နာရီအချိန်တွင် လှိုင်သာယာအနောက်ပိုင်းမြို့နယ်၊ (၁၂)ရပ်ကွက်ရှိ စားအုန်းဆီလက်လီရောင်းချနေသော ကုန်စုံဆိုင်များသို့သွားရောက်၍ ကွင်းဆင်းစစ်ဆေးခဲ့ပါသည်။ ထိုသို့စစ်ဆေးခဲ့ရာတွင် (၁၂)ရပ်ကွက်ဥက္ကဋ္ဌ ဦးအောင်သန်းပါ အဖွဲ့ဝင်များလိုက်ပါလျက် ပဲခူးလမ်းမကြီးပေါ်ရှိ လက်လီရောင်းချနေသော ဒေါ်နီနီဝင်း(ကုန်စုံဆိုင်)၊ ဒေါ်သူဇာ (ကုန်စုံဆိုင်)၊ ဦးကြည်(ကုန်စုံဆိုင်)နှင့် ဒေါ်မြမြ(ကုန်စုံဆိုင်)တို့တွင် နေ့စဉ်ထုတ်ယူလျက်ရှိသော စားအုန်းဆီများကို စားသုံးသူတစ်ဦးလျှင် (၅)ကျပ်သားမှ (၅၀)သားအထိရောင်းချပေးလျက်ရှိကြောင်း၊ ၎င်းတို့ရောင်းချသော ဈေးနှုန်းမှာလည်း လက်ကားဈေးနှုန်းကို (၂) ရာခိုင်နှုန်းအမြတ်တင်၍ရောင်းချကြောင်း၊ တစ်နေ့ထုတ်ယူသောဆီများကို တစ်နေ့ကုန်အောင်ရောင်းချကြောင်း၊ ဆီလက်ကျန်မထားရှိကြောင်း၊ စားသုံးသူပြည်သူများအနေဖြင့်လည်း ယခင်က (၃၀)သား၊ (၅၀)သားဝယ်စား၍မရသောကြောင့် အဆင်မပြေဖြစ်ခဲ့ရပြီး ယခုအခါတွင်မူ ဝယ်ယူ၍ရသောကြောင့် အဆင်ပြေကြောင်းသိရှိရပြီး မိမိတို့ဌာနအနေဖြင့်လည်း ဈေးနှုန်းမြှင့်တင်ရောင်းချခြင်းမပြုရန်နှင့် သိုလှောင်ထားခြင်းများမပြုလုပ်ရန်ပြောကြားခဲ့ကြောင်း သိရှိရပါသည်။
DOCA(ရန်ကုန်)