စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းတို့၏ ပူးပေါင်းစီစဉ်မှုဖြင့် စားအုန်းဆီများကို စားသုံးသူပြည်သူများ သက်သာသော ဈေးနှုန်းဖြင့် ဝယ်ယူရရှိနိုင်စေရန် မကွေးတိုင်းဒေသကြီးသို့ ခွဲဝေချထားပေးသည့် စားအုန်းဆီများ အနက် မကွေးခရိုင်အတွက် ခွဲဝေရရှိသည့် စားအုန်းဆီများကို စည်ပင်သာယာဈေးများ၊ ကျေးရွာ များနှင့် ရပ်ကွက်ဆင်ခြေဖုံးများသို့ ကားဖြင့်လှည့်လည်ရောင်းချပေးလျက်ရှိရာ (၃.၂.၂၀၂၂) ရက်နေ့ နံနက်(၀၉:၀၀)နာရီအချိန်၌ မကွေးမြို့၊ ကန်သာစျေးတွင် မကွေးတိုင်းဆီကုန်သည်များအသင်းမှ ခွဲဝေရရှိသော စားအုန်းဆီ (၄၀၀)ပေပါအား စားသုံးသူပြည်သူများ သက်သာချောင်ချိရေးအတွက် တစ်ပိဿာလျှင် (၄၅၀ဝိ/-) နှုန်းဖြင့် ရောင်းချပေးနေမှုအား စားသုံးသူရေးရာဦးစီးဌာန၊ မကွေးခရိုင်၊ ဒု-ခရိုင်ဦးစီးမှူး ဦးမျိုးဝင်း ဦးဆောင်သော ဝန်ထမ်းများမှ ကွင်းဆင်းစစ်ဆေးကူညီဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးရာ၌ စားသုံးသူပြည်သူများ အဆင်ပြေချောမွေ့စွာ ဝယ်ယူနိုင်ရေး၊ စားအုန်းဆီစျေးနှုန်းများ မှန်ကန်ရေး၊ အလေးချိန်ပြည့်ဝမှန်ကန်မှုရှိစေရေး၊ စားအုန်းဆီရောင်းချသည့် လုပ်ငန်းရှင်များအနေဖြင့် မိမိတို့ခွဲဝေရရှိသည့် ခွဲတမ်းများအတိုင်း ပြည့်မီမှန်ကန်စွာရောင်းချရေး နေ့စဉ်ရောင်းချမှုစာရင်းနှင့် မှတ်တမ်းဓါတ်ပုံများအား အချိန်နှင့်တပြေးညီ နေ့စဉ်တင်ပြပေးရန် အသိပေးဆွေးနွေးခဲ့ပြီး လုပ်ငန်းရှင်များအနေဖြင့်လည်း စားသုံးသူပြည်သူများ သက်သာချောင်ချိရေး အတွက် နိုင်ငံတော်အစိုးရနှင့်အတူ တစ်ဖက်တစ်လမ်းမှ ပူးပေါင်းဆောင်ရွက်ပေးမှုအား မှတ်တမ်း တင်ပါကြောင်း ပြောကြားခဲ့ပါသည်။
DOCA(မကွေး)