မကွေးတိုင်းဒေသကြီး စားသုံးသူရေးရာဦးစီးဌာနသည် စားသုံးသူများ လုံခြုံစိတ်ချရမှုရှိစေရေး အတွက် စားသုံးသူကာကွယ်ရေးဆိုင်ရာ အသိပညာပေးဆွေးနွေးခြင်း၊ ဥပဒေပါ ပြဌာန်းချက်များကို စီးပွားရေးလုပ်ငန်းရှင်များ သိရှိလိုက်နာဆောင်ရွက်နိုင်စေရေးအတွက် တွေ့ဆုံဆွေးနွေး အသိပညာပေးခြင်း၊ ထုတ်ကုန်များ လုံခြုံစိတ်ချမှုရှိစေရေးအတွက် ဈေးကွက်စောင့်ကြည့်စစ်ဆေးခြင်း၊ ပြည်တွင်းကုန်သွယ်မှု ကဏ္ဏ ဖွံ့ဖြိုးတိုးတက်လာစေရေးအတွက် စိုက်ပျိုးမွေးမြူသူ တောင်သူများ၊ ကုန်သည်/ ပွဲစား/ Exporter များနှင့် တွေ့ဆုံ၍ ဈေးနှုန်းဈေးကွက်အခြေအနေ ပြည်ပနိုင်ငံများရှိ စီးပွားရေးသံမှူးများမှ ပေးပို့လာသည့် သတင်းအချက်အလက်များ ဖြန့်ဝေပေးခြင်းများကို နည်းလမ်းပေါင်းစုံဖြင့် ဆောင်ရွက်လျှက်ရှိရာ မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ခရိုင်ဦးစီးမှူး ဒေါ်စုစုထွန်းသည် (၃.၂.၂၀၂၂) ရက်နေ့နံနက်(၁၀:၀၀)နာရီအချိန်တွင် မင်းဘူးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၌ စားသုံးသူ ကာကွယ် ရေးဆိုင်ရာအသိပညာပေး အစီအစဉ်ကို Online မီဒီယာမှတဆင့် ဆောင်ရွက်ခဲ့ပါသည်။
အဆိုပါ Talk Show ဆွေးနွေးပွဲတွင် မင်းဘူးခရိုင်စားသုံးသူရေးရာဦးစီးဌာနအနေဖြင့် စားသုံးသူ ပြည်သူများ ဘေးကင်းလုံခြုံမှုရှိစေရေးအတွက် စားသုံးသူကာကွယ်ရေးဥပဒေ ၂၀၁၉ နှင့်အညီ မြန်မာ ဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြလာစေရေး ထုတ်လုပ်သူလုပ်ငန်းရှင်များ၊ ဖြန့်ဖြူးရောင်းချသူလုပ်ငန်းရှင်များသို့ ကွင်းဆင်းအသိပေးဆောင်ရွက်နေမှု အခြေအနေများ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ (၂၀.၁၂.၂၀၂၁) ရက်နေ့တွင် စားသုံးဆီနှင့် စပ်လျဉ်း၍ အမိန့် ကြော်ငြာစာ ၁/၂၀၂၁ ဖြင့် ထုတ်ပြန်ခဲ့သည့် စားသုံးသူများ ထင်ယောင်ထင်မှားဖြစ်စေသည့် အမှတ်တံဆိပ် မျိုးစုံဖြင့် ဈေးကွက်တွင် ရောင်းချလျက်ရှိသည့် ဟင်းသီးဟင်းရွက်ဆီများကို ဟင်းသီးဟင်းရွက်ဆီ (စားအုန်းဆီ)၊ ဟင်းသီးဟင်းရွက်ဆီ (အဆင့်မြင့်စားအုန်းဆီ)ဟု ဖော်ပြရမည်ဖြစ်ပြီး အလေးချိန်ဖော်ပြရာ တွင်လည်း မြန်မာဘာသာဖြစ်သည့် ပိဿာ/ကျပ်သားတို့ဖြင့် ဖော်ပြပေးရမည်ဖြစ်ပြီး အမျိုးအမည်၊ အရွယ် အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းပုံအညွှန်းတို့ကို မဖြစ်မနေဖော်ပြရမည် ဖြစ်ပြီး ပြင်ဆင်ချိန်ကာလအနေဖြင့် (၆)လပေးထားပါကြောင်း၊ လုပ်ငန်းရှင်များအနေဖြင့် အချိန်မီပြင်ဆင် ကြရန်လိုကြောင်း၊ သတ်မှတ်ကာလပြည့်မီ၍ ဈေးကွက်တွင်စစ်ဆေးတွေ့ရှိပါက ဥပဒေနှင့်အညီ အရေးယူ ခံရမည်ဖြစ်ကြောင်း အသိပေးရှင်းလင်းဆွေးနွေးခဲ့ပါသည်။
စားသုံးသူပြည်သူများအနေဖြင့်လည်း ဆီကို အလွန်အကျွံစားသုံးခြင်းသည် ကျန်းမာရေးကိုထိခိုက် နိုင်သည့်အတွက် နိုင်ငံတော်အစိုးရမှ ပြည်သူများ၏ ကျန်းမာရေးကိုရှေးရှု၍ စားအုန်းဆီတင်သွင်းမှုကို လျော့ချဆောင်ရွက်လျက်ရှိရာ စားအုန်းဆီဈေးနှုန်းနှင့် ဒေသထွက် မြေပဲဆီ၊ နှမ်းဆီ၊ နေကြာဆီတို့၏ ဈေးနှုန်းမှာ များစွာကွာခြားမှုမရှိသည့်အတွက် ကျန်းမာရေးနှင့်ညီညွတ်သည့် ပြည်တွင်းထွက် စားသုံးဆီများ ကို ပြောင်းလဲစားသုံးရန် အကြံပြုလိုပါကြောင်း အသိပေးဆွေးနွေးခဲ့ပါသည်။
DOCA(