ပဲခူးတိုင်းဒေသကြီး၊ ပြည်ခရိုင်၊ စားသုံးသူရေးရာဦးစီးဌာန၊ သဲကုန်းမြို့နယ် တာဝန်ခံနှင့်အဖွဲ့သည် ၂.၂.၂၀၂၂ ရက်နေ့တွင် သဲကုန်းမြို့နယ် လောင့်ကြီးကျေးရွာအုပ်စု၊ ရွာလှရွာရှိ ဆောင်းငရုတ်စို စိုက်ပျိုးသော တောင်သူနှင့် တွေ့ဆုံမေးမြန်းခဲ့ပါသည်။
ပြည်ခရိုင်အနေဖြင့် ငရုတ်စို (ဆောင်း) စိုက်ဧကမှာ ၇၅၈ ဧက စိုက်ပျိုးပြီးဖြစ်ပါသည်။ သဲကုန်းမြို့နယ်အနေဖြင့် ငရုတ်စို(ဆောင်း)ကို ၂၀၇ ဧကစိုက်ပျိုးထားပါသည်။ တောင်သူ ဦးသန်းလွင်က ငရုတ်စို (၁)ဧက စိုက်ပျိုးထားကြောင်းသိရှိရပါသည်။ ဆောင်းငရုတ်စို ကို အောက်တိုဘာလတွင် စတင်စိုက်ပျိုးပြီး၊ စိုက်ပျိုးသောမျိုးမှာ ကျောက်စိမ်းမျိုး ဖြစ်ပါသည်။ ယခုအချိန်သည် ငရုတ်စိုများထွက်ပေါ်ချိန်ဖြစ်သဖြင့် အထွက်နှုန်းမှာ (၁၃၇၀)ပိဿာ ခန့် ထွက်ရှိသည်ဟုသိရှိရပြီး ငရုတ်စို (ဆောင်း)စိုက်ပျိုးကုန်ကျစရိတ်အနေဖြင့် (၅)သိန်းကျပ်ခန့် ကုန်ကျပါသည်။ ထွက်ရှိလာသော ငရုတ်စိုများကို ဝက်ပုတ်မြို့ရှိကုန်စိမ်းဒိုင်သို့ သွားရောက် ရောင်းချသည်ဟုသိရှိရပြီး ငရုတ်စို ရောင်းဈေးမှာ ယခုနှစ်တွင် တစ်ပိဿာလျှင် ၈၀၀ကျပ်ခန့်သာ ရရှိ၍ ယခင်နှစ်တွင် တစ်ပိဿာလျှင် ၁၇၀၀/၂၀၀၀ ကျပ်ခန့်အထိရရှိပါသည်။ ငရုတ်စိုက် တောင်သူများအနေဖြင့် တစ်ဧကအကျိုးအမြတ် မှာ (၅၉၀၀၀၀)ကျပ်ခန့်ရရှိသဖြင့် ယခင်နှစ်ထက် စာရင် ဈေးမကောင်းပေမယ့် အထွက်နှုန်းပိုလာသောကြောင့် အကျိုးအမြတ်ပိုလာကြောင်း သိရပါသည်။ ငရုတ်စိုက်တောင်သူများအနေဖြင့် ငရုတ်စို စိုက်ပျိုးချိန်တွင် ရာသီဥတုကောင်းခြင်း၊ အပင်ပြုစုမှု ကောင်းမွန်ပါက အထွက်နှုန်းလည်းတိုး သက်တမ်းမှာလည်း (၇)လလောက် ကြာမြင့်လာနိုင်သဖြင့် တောင်သူများ ပိုမို တွက်ခြေကိုက်လာမည်ဖြစ်ကြောင်း သိရှိရပါသည်။
DOCA(ပဲခူး)