တနင်္သာရီတိုင်းဒေသကြီး၊ မြိတ်ခရိုင်စားသုံးသူရေးရာဦးစီးဌာန အစည်းအဝေးခန်းမ တွင် မြိတ်မြို့၊ သောက်ရေသန့်နှင့်ဆီလုပ်ငန်းရှင်များအသင်းဖွဲ့စည်းခြင်းနှင့် မိမိတို့ထုတ်လုပ် ရောင်းချသည့် ကုန်ပစ္စည်းများတွင် ကုန်အညွန်းအမှတ်အသားဖော်ပြခြင်းနှင့် ပတ်သက်သည့် လုပ်ငန်းညှိနှိုင်းအစည်းအဝေးကို ၂၀၂၂ ခုနှစ်၊ ဖေဖော်ဝါရီလ (၄)ရက်နေ့တွင် ကျင်းပပြုလုပ်ခဲ့ပါသည်။
ယင်းအစည်းအဝေးသို့ တနင်္သာရီတိုင်းဒေသကြီး၊ အစားသောက်နှင့် ဆေးဝါးကွပ်ကဲရေးဦးစီးဌာန၊ တိုင်းဒေသကြီးဦးစီးမှူးမှ သောက်ရေသန့်လုပ်ငန်းများ၊ စားသုံးဆီလုပ်ငန်းများနှင့် အခြားလုပ်ငန်း ဆောင်ရွက်ရာတွင် လိုအပ်သော ကောင်းမွန်သော ထုတ်လုပ်မှုကျင့်စဉ်နှင့်အညီ ထုတ်လုပ်နှင့် မလိုလားအပ်သော ဘေးထွက်ဆိုးကျိုးမဖြစ်ပေါ်စေရန်၊ မိမိ၏ထုတ်ကုန်အား မကြာခဏ ဓါတ်ခွဲစစ်ဆေးရန်၊ စားသောက်ကုန်များတွင်လည်း သန့်ရှင်းသောဆီများသာသုံးစွဲရန် ရှင်းလင်းပြောကြားခဲ့ပြီး တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးမှ သောက်ရေသန့်လုပ်ငန်းများ၊ စားသုံးဆီလုပ်ငန်းများအသင်းများဖွဲ့စည်းနိုင်ရန်အတွက် လိုအပ်သော အချက်အလက်များမျှဝေပေးခြင်း၊ စားသုံးသူမျှော်မှန်းချက်၊ ရည်မှန်းချက်များနှင့် စားသုံးသူဥပဒေပါ အချက်များအားရှင်လင်းခြင်း၊ ကုန်အညွှန်းအမှတ်အသားနှင့်ပတ်သက်၍ စီးပွားရေးလုပ်ငန်းရှင်များ လိုက်နာရမည့်အချက်များအား ရှင်းလင်းပြောကြားခဲ့ရာ တက် ရောက်လာသော လုပ်ငန်းရှင်များမှ သိရှိလိုသည့်အချက်များအား မေးမြန်းဆွေးနွေးခဲ့ပြီး အခမ်းအနားအား နေ့လည်(၁၂း၀၀)အချိန်တွင် ပြီးဆုံးခဲ့ကြောင်း သတင်းရရှိခဲ့ပါသည်။
DOCA(တနင်္သာရီ)