စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)မှ ဝန်ထမ်းများသည် ခရမ်းချည်သီးဈေးကွက်နှင့်ပတ်သက်၍ ကွင်းဆင်းလေ့လာခဲ့ရာ ကျိုင်းတုံမြို့တွင် ဒေသထွက် ခရမ်းချဉ်သီးကို ရာသီပေါ်သီးနှံအဖြစ် တပိုင်တနိုင်သာ စိုက်ပျိုးလျက်ရှိပြီး ဆောင်းသီးနှံအဖြစ် မိုးစပါးရိတ်သိမ်းထားသည့် လယ်ယာမြေများပေါ်တွင် စိုက်ပျိုးလေ့ရှိပါသည်။ နိုဝင်ဘာလနှင့်ဒီဇင်ဘာလတို့တွင် လွယ်လုံအုပ်စု၊ ကတ် ထိုက်အုပ်စုတို့၌ စိုက်ပျိုးပြီး ဖေဖော်ဝါရီလမှ ဧပြီလအထိ ခူးစွတ်ရောင်းချကြပါသည်။ ယခင်နှစ် ခရမ်းချဉ်သီး(၁)ပိဿာ ပေါက်စျေးမှာ(၁၀၀၀)ကျပ်ရှိပါသည်။ ဒေသထွက်ခရမ်းချဉ်သီးမှာ ဒေသနေ ပြည်သူများ စားသုံးရန် လုံလောက်မှုမရှိသဖြင့် ရှမ်းပြည်နယ်(တောင်ပိုင်း)ညောင်ရွှေမြို့နယ် အင်း လေးဒေသထွက် ခရမ်းချဉ်သီးနှင့် မန္တလေးတိုင်းဒေသကြီး မိတ္ထီလာမြို့နယ်မှ ဒေသထွက်ခရမ်းချဉ် သီး(ထိုင်ဝမ်မျိုး)တို့ကို နှစ်စဉ်တင်သွင်းရောင်းချကြပါသည်။
ကျိုင်းတုံမြို့တွင် ညောင်ရွှေမြို့နယ် အင်းလေးဒေသထွက် ခရမ်းချဉ်သီးများကို ရာသီမရွေး ဝယ်ယူစားသုံးနိုင်ပြီး ဇန်နဝါရီလတွင် (၁)ပိဿာ လျှင် (၂၃၀၀)ကျပ်ရှိပြီး ခရမ်းချဉ်သီးပိုမိုထွက်ရှိသည့် ဖေဖော်ဝါရီလတွင် (၁)ပိဿာ လျှင် (၁၅၀၀)ကျပ်ရှိ၍ စျေးနှုန်းအနည်းငယ်ကျဆင်းပါသည်။ မိတ္ထီလာဒေသထွက် ခရမ်းချဉ်သီး(ထိုင်ဝမ်မျိုး)မှာ ဇန်နဝါရီလတွင်(၁)ပိဿာ (၂၅၀၀)ကျပ်ရှိပြီး ဖေဖော်ဝါရီလတွင် (၁)ပိဿာ (၁၇၀၀)ကျပ်ရှိပါသည်။ ထိုင်ဝမ်သီးမှာ အလုံးလှ၍ အခွံထူခြင်း၊ အချဉ်ဓာတ်နည်းခြင်း တို့ကြောင့် စားသောက်ဆိုင်နှင့် စျေးဆိုင်များတွင် အသုံးများ၍ ကြိုက်နှစ်သက်ခြင်းကြောင့် ထိုင်ဝမ် မျိုးခရမ်းချဉ်သီးမှာ အင်းလေးဒေသထွက်ခရမ်းချဉ်သီးထက် စျေးနှုန်းအနည်းငယ်ပိုခြင်းဖြစ်ကြောင်း သိရှိရပါသည်။
ဒေသထွက် ခရမ်းချဉ်သီးများကို တောင်သူများအနေဖြင့် ဆောင်းသီးနှံအဖြစ်သာ တပိုင် တနိုင်စိုက်ပျိုးခြင်း၊ ဒေသနေပြည်သူများသည် ခရမ်းချဉ်သီး စားသုံးမှုများပြားသော်လည်း ဒေသတွင် တစ်နှစ်ပတ်လုံး ဖူလုံစွာစိုက်ပျိုးမှုမရှိခြင်း အခြားဒေသထွက် ခရမ်းချဉ်သီးများကိုသာ မှီခို စားသောက်နေရခြင်းကြောင့် စရိတ်ပိုမိုပေးဝယ်စားသောက်နေရပါကြောင်း ရေးသားလိုက်ရပါသည်။
DOCA(ရှမ်း)