ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ လပွတ္တာမြို့နယ်ဦးစီးမှူးဦးမြင့်ဌေးသည် (၇.၂.၂၀၂၂) ရက်နေ့တွင် လပွတ္တာမြို့ အမှတ်(၇)ရပ်ကွက်၊ နန္ဒဝန်ဈေး အတွင်းရှိ ကုန်မျိုးစုံရောင်းချသူ လုပ်ငန်းရှင်များအား မြို့နယ်ဦးစီးမှူးရုံးတွင် စားသုံးသူကာကွယ်ရေးအသိပညာပေးဟောပြောပွဲကို ပြုလုပ်ခဲ့ပါသည်။
ထိုသို့စားသုံးသူကာကွယ်ရေးအသိပညာပေးဟောပြောပွဲသို့ ကုန်မျိုးစုံရောင်းချသူလုပ်ငန်း ရှင်(၁၁)ဦးတက်ရောက်ခဲ့ပါသည်၊၊ လုပ်ငန်းရှင်များအား စီးပွားရေးလုပ်ငန်းရှင်၏ လုပ်ငန်းတာဝန်၊ စားသုံးသူအခွင့်အရေးနှင့်တာဝန်၊ မိမိတို့ရောင်းချနေသော ကုန်စည်များပေါ်တွင် စားသုံးသူကာကွယ် ရေးဥပဒေ(၂၀၁၉)ပါ ပြဌာန်းချက်များအရ ကုန်အညွှန်းအမှတ်အသားပြည့်စုံစွာ ထည့်သွင်းဖော်ပြရန် ကုန်စည်အမျိုးအစားအလိုက် သတ်မှတ်ချက်များနှင့်အညီ ပြည့်စုံမှုရှိ/မရှိ စိစစ်ရောင်းချကြရန်နှင့် ယခုအချိန်သည် စားသုံးဆီဈေးနှုန်းများမြင့်တက်နေမှုအပေါ် ဆီစားသုံးမှုလျော့ချနိုင်ရေး၊ ဆီစားသုံး မှုများပြားပါက ကျန်းမာရေးထိခိုက်ပြီး ၎င်းနှင့်ဆက်စပ်သည့်ရောဂါများလည်း ဖြစ်ပွားနိုင်ကြောင်း ဟောပြောဆွေးနွေးခဲ့ပါသည်။
စားသုံးသူရေးရာဦးစီးဌာန
ဧရာဝတီတိုင်းဒေသကြီး