စားသုံးသူရေးရာဦးစီးဌာန၊ မွန်ပြည်နယ်၊ ပေါင်မြို့နယ်တာဝန်ခံနှင့် မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ရဲတပ်ဖွဲ့ဝင်များ၊ မြို့နယ်မီးသတ်အဖွဲ့ဝင်များ ပါဝင်သော ပူးပေါင်းအဖွဲ့သည် (၇.၂.၂၀၂၂)ရက်နေ့တွင် ပေါင်မြို့နယ်၊ ပေါင်းရပ်ကွက်ရှိ လမ်းဘေးဝဲ/ယာစတိုးဆိုင်များ၊ ကုန်စုံဆိုင်များမှရောင်းချဖြန့်ဖြူးသူ စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်တာဝန်များနှင့် စားသုံးသူကာကွယ်ရေးဥပဒေ အခန်း(၁၈)တွင် ဖော်ပြထားသော ကုန်အညွှန်းအမှတ်အသားတွင် ပါရှိရမည့်အချက်များအား မြန်မာဘာသာဖြင့် သော်လည်းကောင်း၊ မြန်မာဘာသာနှင့်အခြားဘာသာ တွဲလျက်သော်လည်းကောင်း ဖော်ပြပါရှိရန်လိုအပ်ကြောင်း ဆွေးနွေးခဲ့ပြီး စားသုံးသူအခွင့်အရေးများနှင့် စားသုံးသူအခွင့်အရေးနစ်နာဆုံးရှုံးမှုများအတွက် တိုင်ကြားနိုင်မည့် လိပ်စာများအားလည်းကောင်း အကျယ်တဝင့် ရှင်းလင်းဆွေးနွေးခဲ့ပါသည်။
ထိုသို့ဆွေးနွေးရာတွင် ဆိုင်ရှင်များမှ ယခင်က ထုတ်လုပ်သည့်ရက်စွဲနှင့် သက်တမ်းကုန်ဆုံး မည့်ရက်စွဲများကိုသာကြည့်ရှုရောင်းချကြောင်း၊ ယခုကဲ့သို့ရှင်းလင်းဆွေးနွေးပေးပါသဖြင့် ပိုမိုသိရှိ လာရပါကြောင်း ပြန်လည်ဆွေးနွေးကြပြီး စားသုံးသူရေးရာဦးစီးဌာန၊ ပေါင်မြို့နယ် တာဝန်ခံ မှ စားသုံးသူအသိပညာပေး လက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။
DOCA(မွန်)