ကချင်ပြည်နယ်၊ မိုးညှင်းခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူး၏ လမ်းညွှန်မှုဖြင့် ဒု-ဦးစီးမှူး ဦးဝင်းသိန်းဦးနှင့် ဝန်ထမ်းများသည် ၉.၂.၂၀၂၂ ရက်နေ့တွင် စားသုံးသူကာကွယ်ရေးဥပဒေ၂၀၁၉၊ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့်အညီ ပြည့်စုံစွာ ထည့်သွင်းဖော်ပြနိုင်ရေးအတွက် မိုးညှင်းမြို့နယ်၊ ဟဲလုံကျေးရွာအုပ်စု၊ ပျော်ဘွယ်ကျေးရွာရှိ “မွှေးမွှေးခင်” အမှတ်တံဆိပ် ငါးပေါက်ယိုလုပ်ငန်းရှင်နှင့်တွေ့ဆုံ၍ အစားအသောက်များအုပ်စုတွင်ပါဝင်သည့် အချိုရည်နှင့် ယိုမျိုးစုံ အမျိုးအစားတွင် ကုန်ပစ္စည်းအမျိူးအမည်၊ အရွယ်အစား၊ အရေအတွက်နှင့် အသားတင်ပမာဏ၊ သုံးစွဲပုံ နည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ကို မြန်မာဘာသာဖြင့် မဖြစ်မနေ ဖော်ပြပေးရမည်ဖြစ်ပြီး ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများကိုလည်း ဖော်ပြရမည်ဖြစ်ကြောင်း၊ လုပ်ငန်းရှင်သည်မိမိကုန်စည်ကြောင့် စားသုံးသူထိခိုက်နစ်နာမှုမရှိစေရေး အာမခံရမည်ဖြစ်ကြောင်းနှင့် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ စားသုံးသူရေးရာဦးစီးဌာနသို့ လာရောက်အကူအညီတောင်းခံနိုင်ပါကြောင်း အသေးစိတ်ရှင်းလင်းဆွေးနွေးခဲ့ပါသည်။
စားသုံးသူရေးရာဦးစီးဌာန(ကချင်ပြည်နယ်)