စစ်ကိုင်းတိုင်းဒေသကြီး၊ ရွှေဘိုခရိုင်၊ ဝက်လက်မြို့နယ်တွင် ဖေဖော်ဝါရီလမှ စတင်၍ ဆည် မြောင်းဦးစီးဌာနမှ ဆည်ရေများပေးဝေလျက်ရှိရာ ယခုနှစ်တွင် စိုင်နိုင်ကြီးကျေးရွာရှိ တောင်သူ အ ချို့မှာ ရေရရှိသည့် စီမံကိန်းဧရိယာအတွင်း နွေစပါးကို အနည်းငယ် စိုက်ပျိုးမည်ဖြစ်ပြီး တောင်သူ အများစုမှာ နှမ်းနက်၊ နှမ်းညိုနှင့် ပဲတီစိမ်းများ ကို စိုက်ပျိုးမည် ဖြစ်ကြောင်း သိရှိရပါသည်။
စိုင်နိုင်ကြီးကျေးရွာရှိ တောင်သူများသည် နွေသီးနှံဖြစ်သည့် စပါး၊ နှမ်း၊ ပဲတီစိမ်းများ စိုက် ပျိုးပြီး မိုးသီးနှံဖြစ်သည့် စပါးစိုက်ပျိုးခြင်းများ ပြုလုပ်ကြပါသည်။ စိုင်နိုင်ကြီးကျေးရွာရှိ တောင်သူ များမှာ မိရိုးဖလာလုပ်ငန်းဖြစ်သည့် လယ်ယာစိုက်ပျိုးခြင်းကို လုပ်ကိုင်ကြသော်လည်း အချို့သော တောင်သူများမှာ မိုးလေဝသရာသီဥတုအခြေအနေနှင့် ကုန်ကျစရိတ်များကြောင့် လယ်ယာမြေကို ကိုယ်တိုင် မလုပ်ကြဘဲ လယ်ကိုအစုချခြင်း၊ နွေသီးနှံကို မစိုက်ပျိုးဘဲ မိုးသီးနှံ စိုက်ပျိုးခြင်းများ ပြု လုပ်ကြကြောင်း၊ နွေသီးနှံမစိုက်ပျိုးသည့် တောင်သူများမှ လယ်ယာမြေကို အငှားချကြောင်း၊ တစ်ဧကလျှင် (၂)သိန်းကျပ်နှုန်းဖြင့် ဌားရမ်းကြောင်း၊ လယ်အစုချရာတွင် လယ်အဌားလုပ်သည့် တောင်သူမှ လယ်အစုချသည့် တောင်သူအား လယ်မြေ (၁)ဧကကို လုပ်ကိုင်ရာတွင် တစ်နှစ်ပတ် လုံးဖြစ်သည့် နွေသီးနှံ နှင့် မိုးသီးနှံ (၂) သီးစားကို စပါးတင်း (၂၅)တင်း နှုန်းပေးရကြောင်း သိရှိရပါ သည်။
နွေစပါးအမျိုးအစားဖြစ်သည့် ရွှေဝါထွန်း၊ 747 စပါးများစိုက်ကြမည်ဖြစ်ကြောင်း၊ ရွှေဝါထွန်း နှင့် 747မျိုးစပါးဈေးနှုန်းမှာ (၁)တင်းလျှင် (၃၃၀၀ဝိ/-)ကျပ်၊ စပါး(၁၀၀) လျှင် ( ၃၃၀၀၀၀ဝိ/-) ကျပ် ဖြင့် ဝယ်ယူရပြီး နှမ်းနက်နှင့် နှမ်းညိုမျိုးဈေးနှုန်းမှာ (၁)ပြည်လျှင် (၈၀၀ဝိ/-)ကျပ်နှင့် (၁)တင်း ဈေးနှုန်းမှာ (၁၂၈၀၀ဝိ/-)ကျပ်၊ ပဲတီစိမ်းမျိုးဈေးနှုန်းမှာ (၁)ပြည်လျှင် (၇၀၀ဝိ/-)ကျပ်နှုန်းနှင့် (၁)တင်းလျှင် (၁၂၄၀၀ဝိ/-)ကျပ်နှုန်းဖြင့် ဝယ်ယူရကြောင်း သိရှိရပါသည်။
DOCA(စစ်ကိုင်း)