“ကော့မှူးမြို့နယ်အတွင်းရှိ လွင်ကောင်းဟိဏ်းဟာလာဆန်စက်အား ဆန်စပါးကြိတ်ခွဲနေခြင်းကြောင့် ပတ်ဝန်းကျင်လူနေအိမ်များ ထိခိုက်နိုင်မှုအခြေအနေအား ကွင်းဆင်းစစ်ဆေးခြင်း”

    ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်း သမင်ခြံကျေးရွာ၊ လွင်ကောင်းဟိဏ်းဟာလာဆန်စက်၏ ဆန်စပါးကြိတ်ခွဲထုတ်လုပ်လည်ပတ်နေမှုအခြေအနေအား ၂၀၂၄ခုနှစ်၊ မတ်လ(၂၀)ရက်နေ့၊ နံနက်(၁၁:၀၀)နာရီအချိန်တွင် သွားရောက်ကြည့်ရှုကွင်းဆင်းစစ်ဆေးခဲ့ကြောင်းသိရှိရပါသည်။

    ထိုသို့မြေပြင်ကွင်းဆင်းစစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်ဦးစီးမှူး၊ မြို့နယ်စည်ပင်သာယာရေးဦးစီးဌာနမှ ဝန်ထမ်းများ၊ မြို့နယ်ကျန်းမာရေးဦးစီးဌာနမှ ဝန်ထမ်းများနှင့် စားသုံးသူရေးရာဦးစီးဌာနမှ မြို့နယ်တာဝန်ခံတို့ပူးပေါင်းအဖွဲ့သည် သမင်ခြံကျေးရွာရှိ ၂၀၁၆ခုနှစ်မှ ယခုအချိန်ထိ လည်ပတ်လျက်ရှိသော ဦးလွင်သောင်း၏ ဆန်စက်မှ စနစ်တကျစွန့်ထုတ်မြောင်းမပြုလုပ်ထားခြင်းကြောင့် အနံ့အသက်ဆိုးများထွက်ရှိခြင်း၊ ပတ်ဝန်းကျင်လူနေအိမ်များအတွက် ဆူညံမှုများဖြစ်ပေါ်နေခြင်း၊ စပါးအမှုန့်အမွှားများလွင့်စင်ခြင်းတို့ကြောင့် ပတ်ဝန်းကျင်ရှိလူနေအိမ်များ ဘေးဥပဒ်အန္တရာယ်ဖြစ်ပေါ်စေနိုင်မှုအခြေအနေများအား သွားရောက်ကွင်းဆင်းစစ်ဆေးခဲ့ပါသည်။ ဆက်လက်၍ တာဝန်ရှိသူများက ဆန်စက်ပိုင်ရှင် ဦးလွင်သောင်းအား  ရေစို့မြောင်းစွန်းထုတ်ထားသည့် အလယ်ကွင်းထဲသို့အရောက် စနစ်တကျစွန့်ထုတ်နိုင်ရေး၊ ရေစို့မြောင်းအကျယ်အား ယခင်ထက် အနည်းငယ်ပိုကျယ်စေပြီး ရေစီးရေလာကောင်းမွန်အောင် ပြင်ဆင်ထားရှိရန်နှင့် အတတ်နိုင်ဆုံး အနံ့အသက်ဆိုးများမထွက်ရှိစေရေးအား အမြန်ဆုံးဆောင်ရွက်ပေးရန်၊ ဆူညံမှုများဖြစ်ပေါ်စေနိုင်သော ဆန်စက်အစိတ်အပိုင်းများနှင့် စက်အင်ဂျင်သံများကို နားလည်တတ်ကျွမ်းသော စက်မှုကျွမ်းကျင်သူများအားပြသပြီး အမြန်ဆုံးပြုပြင်ဆောင်ရွက်သွားရန်၊ အမှုန့်အမွှားများ ပတ်ဝန်းကျင်လူနေအိမ်များသို့ လွှင့်စင်မှုမရှိစေရန် ပလာတူးပိုက်စများအား ဆန်စက်နှင့် စပါးခွံသိုလှောင်ရုံများ၏ ဘေးတွင်လုံခြုံအောင် ကာရန်ခြင်းများဆောင်ရွက်ပေးနိုင်ရန် အသိပညာပေးမြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)