မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် မြစ်ငါးအမျိုးမျိုးနှင့် ပုစွန်တို့ကို မြို့ပေါ်ရှိ အမှတ်(၃)ရပ်ကွက်မှ ဈေးသည်များနှင့် မြို့အရှေ့ဘက်ကမ်းတွင် တည်ရှိသော မြင်ကွန်းရွာမှ ဈေးသည်များ အများဆုံးလာရောက်ရောင်းဝယ်ဖောက်ကားလျက်ရှိကြောင်းသိရှိရပါသည်။
၂၀၂၄ခုနှစ်၊ မတ်လ(စတုတ္ထပတ်)တွင် အထက်မင်းလှမြို့၊ ဇေယျာသီရိဈေး၌ရောင်းချလျက်ရှိသော မြစ်ငါး၊ ပုစွန်ဈေးနှုန်းများမှာ မြစ်ငါးကြင်း(၁)ပိဿာလျှင် ကျပ်(၂၀၀၀၀)၊ မြစ်ငါးတန်(၁)ပိဿာလျှင် ကျပ်(၁၆၀၀၀)၊ မြစ်ငါးကွန်မှန်(၁)ပိဿာလျှင် ကျပ်(၁၆၀၀၀)၊ မြစ်ငါးဘတ်(၁)ပိဿာလျှင် ကျပ်(၂၀၀၀၀)၊ မြစ်ငါးဖယ်(၁)ပိဿာလျှင် ကျပ်(၂၀၀၀၀)၊ မြစ်ငါးသလောက်(၁)ပိဿာလျှင် ကျပ် (၃၀၀၀၀)၊ မြစ်ငါးမြစ်ချင်း(ခုတ်သား)(၁)ပိဿာလျှင် ကျပ်(၂၀၀၀၀)၊ မြစ်ပုစွန်အကောင်အကြီး/ အသေးအလိုက် (၁)ပိဿာလျှင် ကျပ်(၃၀၀၀၀-၄၀၀၀၀)ဈေးနှုန်းတို့ဖြင့် အရောင်းအဝယ်ဖြစ်လျက်ရှိပြီး ယခင်(တတိယပတ်)နှင့်နှိုင်းယှဉ်လျှင် ယခုအပတ်တွင် မြစ်ငါးကြင်း ကျပ်(၂၀၀၀)၊ မြစ် ငါးကွန်းမှန် ကျပ်(၁၅၀၀)၊ မြစ်ပုစွန် ကျပ်(၁၅၀၀)နှင့် ကျန်ငါးဈေးနှုန်းများမှာ (၁)ပိဿာလျှင် ကျပ် (၁၀၀၀)ဈေးနှုန်းကျဆင်းလျက်ရှိကြောင်း၊ ယခုအချိန်သည် မြစ်ငါးလှိုင်လှိုင်ထွက်ရှိနေသောကြောင့် ငါးဈေးနှုန်းများကျဆင်းခြင်းဖြစ်ကြောင်း ဇေယျာသီရိဈေးအတွင်း ငါးရောင်းချနေသော ဈေးသည်တစ်ဦးထံမှသိရှိရပါသည်။
DOCA(မကွေး)