ဗီယက်နမ်နိုင်ငံ လျှပ်စစ်ကားကုမ္ပဏီ Vinfast သည် ၄င်းတို့၏ လျှပ်စစ်ကားများကို ဆရုတ်ကားကုမ္ပဏီနှင့် အရှေ့တောင်အာရှစျေးကွက်တွင် ယှဥ်ပြိုင်သွားမည်ဖြစ်ပြီး အာဆီယံလွတ်လပ်စွာ ကုန်သွယ်ရေးသဘောတူညီချက်မှ အကျိုးကျေးဇူးရရှိရန် ရည်မှန်းထားပါသည်။ ကုမ္ပဏီသည် ထိုင်းနိုင်ငံတွင် လျှပ်စစ်ကားတပ်ဆင်ထားသည့် စက်ရုံတည်ဆောက်တင်ပို့သွားမည်ဖြစ်ကြောင်း Vinfast (thailand) ၏အလုပ်အဆောင်အဖွဲ့ အကြီးအကဲ Vu Dang Yen Hang က ပြောကြားခဲ့ပါသည်။ ထိုင်းနိုင်ငံသည် လျှပ်စစ်ကားစျေးကွက် လျှင်မြန်စွာကြီးထွားလာမှုနှင့် ထိုင်းအစိုးရ ထိုင်းနိုင်ငံကို အဓိကဦးစားပေးထားကြောင်း MsHongက ပြောကြားခဲ့ပါသည်။ ထိုင်းနိုင်ငံသည်လည်း နိုင်ငံ၏ လျှပ်စစ်ကားကဏ္ဍကြီးကို အားပေးကူညီလျက်ရှိသည့်အတွက် ထိုင်းနိုင်ငံကို အဓိကဦးစားပေးထားကြောင်း MsHongက ပြောကြားခဲ့ပါသည်။ Vinfastသည် အာဆီယံဒေသတွင် လျှပ်စစ်ကားများ ပိုမိုရောင်းချရန် အာရုံစိုက်လျက်ရှိပါသည်။ အဘယ့်ကြောင့်ဆိုသော် ဒေသတွင်းလွတ်လပ်စွာ ကုန်သွယ်ရေးသဘောတူစာချုပ်ကြောင့် အခွန်ကင်းလွတ်ခွင့်များရှိမည်ဖြစ်သောကြောင့်ဖြစ်သည်။ Vinfastကုမ္ပဏီကို ၂၀၁၇ခုနှစ်တွင် စတင်တည်ထောင်ခဲ့ပြီး ၂၀၂၁ခုနှစ်တွင် လျှပ်စစ်ကားများကို စတင်ထုတ်လုပ်ခဲ့ပါသည်။ ကုမ္ပဏီသည် အမေရိကန်နိုင်ငံ မြောက်ကာရိုလိုင်းနားပြည်နယ်နှင့် အိန္ဒိယနိုင်ငံတို့တွင် လျှပ်စစ်ကားစက်ရုံများ တည်ဆောက်လျက်ရှိပြီး အင်ဒိုနီးရှားနိုင်ငံတွင် စက်ရုံသစ်တည်ဆောက်ရန် စီစဥ်လျက်ရှိသည်။ Vinfastသည် ယခုနှစ်တွင် နိုင်ငံပေါင်း၅၀သို့ လျှပ်စစ်ကားများ တင်ပို့ရန်ရည်မှန်းထားပြီး ထိုင်းနိုင်ငံတွင် ကားအရောင်းပြခန်း၂၂ခုဖွင့်လှစ်ထားကြောင်း သိရပါသည်။
Source : Bangkok Post
DOCA(ရန်ကုန်)