တရုတ်ကားကုမ္ပဏီ SIAC Motor က ပိုင်ဆိုင်သည့် အိန္ဒိယနိုင်ငံရှိ MG Motor India ကုမ္ပဏီသည် အိန္ဒိယသံမဏိကုမ္ပဏီကြီး JSW Group အပါအဝင် ဗျူဟာမြောက် ရင်းနှီးမြုပ်နှံသူအသစ်များကိုခေါ်ယူခဲ့သည်။
JSW Group သည် ကုမ္ပဏီသို့ အိန္ဒိယရူပီး ၂၆.၅ဘီလီယံ (အမေရိကန်ဒေါ်လာ ၄၂၉သန်းခန့်) စုစုပေါင်းရှယ်ယာလွှဲပြောင်းကြေး ၂၆ရာခိုင်နှုန်းပေးဆောင်ခဲ့သည်။
ထို့နောက် SAIC သည် MG Motor India ၏ အစုရှယ်ယာ ၄၉ရာခိုင်နှုန်းကို ဆက်လက်ထိန်းသိမ်းထားမည်ဖြစ်ပြီး အစုရှယ်ယာများနှင့်ပတ်သက်၍ မဲပေးပိုင်ခွင့်အချိုးအစားပိုမိုရရှိမည်ဖြစ်သည်။ SAIC သည်၎င်းတို့၏ အသားတင်အမြတ်ငွေ ယွမ် ၅ဘီလီယံမှ ၇ဘီလီယံ (အမေရိကန်ဒေါ်လာ ၆၉၁သန်းမှ ၉၆၈သန်း) ခန့်တိုးလာမည်ဟု မျှော်လင့်ထားသည်။
အစုရှယ်ယာလွှဲပြောင်းမှုအပြင် JSW နှင့် အခြားသောထုတ်လုပ်သူအဖွဲ့အစည်းများသည် MG Motor India သို့ အိန္ဒိယရူပီးငွေ ၂၅.၆ဘီလီယံကို ပူးတွဲ ထည့်သွင်းမြှုပ်နှံသွားကြမည်ဖြစ်သည်။
SAIC သည် MG Motor India ကို ရာခိုင်နှုန်းပြည့်ပိုင်ဆိုင်သည့် လုပ်ငန်းခွဲအဖြစ် ၂၀၁၇ခုနှစ်တွင် တည်ထောင်ခဲ့သည်။ ၂၀၂၃ခုနှစ်တွင် ပထမဆုံးအကြိမ်အဖြစ် ခရီးသည်တင်ကားအစီးရေ ၄သန်းကျော်ရောင်းချခဲ့ရပြီးနောက် အိန္ဒိယနိုင်ငံ၏ မော်တော်ယာဥ်စျေးကွက်သည် ကမ္ဘာပေါ်တွင် အလျင်အမြန်ဆုံးကြီးထွားလာနေသည့် စျေးကွက်တစ်ခုဖြစ်လာခဲ့ကြောင်းသိရှိရပါသည်။
DOCA(ရန်ကုန်)