ယခုအခါ တန်ခူးလတွင် မန်ကျည်းရွက်များ ပြည်ဈေးကွက်အတွင်း ရွက်နုဝေချိန်ဖြစ်၍ ပေါများနေကြောင်းသိရပြီး ဈေးနှုန်းမှာလည်း ယခင်ရှားပါးချိန် ဆောင်းရာသီ ဇန်နဝါရီလ နှင့် နှိုင်းယှဉ်ပါက ဈေးချိုနေကြောင်း သိရသည်။ ပြည်မြို့အရှေ့ဘက်ရှိ ဇီးအုပ်ရွာ၊ နတ်တလင်းရွာ၊ ထန်းပေါက်ရွာ၊ မှော်ဇာ၊ ပြည်မြို့အနောက်ဘက်ကမ်း သစ်ဆိမ့်ပင်၊ ရွှေဘုံသာ၊ မန်ကျည်းစုရွာများမှ တစ်ပတ်လျှင် ရက်ခြားဝင်ရောက်မှုရှိပြီး ပိဿာချိန် (၁၀)ပိဿာခန့် အဝင် ရှိနေသည်။ မန်ကျည်းရွက် တစ်ဆယ်သားလျှင် ယခင်ဆောင်းရာသီတွင် ကျပ် (၁၀၀၀)နှုန်းရှိခဲ့ပြီး ၂၀၂၄ခုနှစ် ဧပြီလနောက်ဆုံးပတ်တွင်ရောင်းချသောဈေးနှုန်းအနေဖြင့် တစ်ဆယ်သားလျှင် ကျပ် (၇၀၀-၈၀၀)ခန့်ဖြင့် ရောင်းချကြောင်း သိရပါသည်။
စားသုံးသူရေးရာဦးစီးဌာန
ပြည်ခရိုင်