ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ်အတွင်းရှိ နေအိမ်တိုင်းနီးပါးတွင် ဒန့်သလွန်ပင်များ စိုက်ပျိုးကြပါသည်။ ဒန့်သလွန်ပင်သည် နှစ်ရှည်ပင်အမျိုးအစားဖြစ်ပြီး အပွင့်၊ အသီး၊ အရွက်များအားလုံးကို စားသောက်ရန်နှင့် ဆေးဝါးအဖြစ်အသုံးပြုကြပါသည်။ ဒန့်သလွန် ပင်အမြင့်မှာ (၁၀)တောင်မှ (၁၆)တောင်အထိမြင့်ပါသည်။ တစ်ပင်လျှင် အသီး အတောင့်အရေ အတွက် (၈၀) မှ (၁၀၀) ကြားထွက်ရှိပါသည်။
ပေါ်ဦးစ ဒန့်သလွန်သီးတစ်တောင့်လျှင် အတောင့်အရွယ်အစားကိုလိုက်၍ (၂၀၀)ကျပ်မှ (၂၅၀)ကျပ်အထိ ဈေးကောင်းရရှိပြီး ယခု ၂၀၂၄ခုနှစ် ဧပြီလ စတုတ္တပတ်တွင်မူ ဒန်သလွန်သီး တစ်တောင့် (၅၀)ကျပ်မှ (၁၀၀)ကျပ် ပေါက်ဈေးသာရှိသည်။ ထွက်ရှိလာသော ဒန့်သလွန်သီးများ ကို ဒေသတွင်း ဈေးကွက်နှင့် ရန်ကုန် ကြည့်မြင့်တိုင်ဈေး၊ တညင်းကုန်းဈေးသို့ နေ့စဉ် တင်ပို့ ရောင်းချလျက်ရှိကြောင်းသိရှိရပါသည်။
DOCA(ပဲခူး)