စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ မိတ္ထီလာခရိုင်အတွင်း မြို့နယ် (၄)ခုရှိရာ သာစည်မြို့နှင့်ဝမ်းတွင်းမြို့နယ်သည် ဆည်ရေလုံလောက်စွာ မရရှိခြင်းကြောင့် နွေစပါးစိုက်ဧကမရှိပါကြောင်း သက်ဆိုင်ရာဌာနများနှင့် တောင်သူတို့အား ချိတ်ဆက်မေးမြန်းမှုအရ သိရှိရပါသည်။ မိတ္ထီလာ မြို့သည် ယခင်နှစ်စိုက်ဧကထက် (၂)ဆတိုး၍ စိုက်ပျိုးရန်လျာထားဆောင်ရွက်လျှက်ရှိကြောင်း၊ မလှိုင်မြို့နယ်အတွင်း ယခင်စိုက်ဧကအတိုင်း စိုက်ပျိုးရန်လျာထားဆောင်ရွက်လျှက်ရှိကြောင်း သိရှိရပါ သည်။
ရမည်းသင်းခရိုင်အနေဖြင့် ရမည်းသင်းမြို့နယ်သည် ယခင်နှစ် (၆၅)ဧက စိုက်ပျိုးနိုင်ခဲ့သော်လည်း ယခုနှစ်တွင် ဧက (၁၀၀)၊ ပျော်ဘွယ်မြို့နယ်သည် ယခင်နှစ် (၂၈) ဧက စိုက်ပျိုးနိုင်ခဲ့သော်လည်း ယခုနှစ်တွင် ဧက (၅၀) အသီးသီးပိုမို စိုက်ပျိုးရန်လျာထားဆောင်ရွက်လျှက်ရှိပါကြောင်း သိရှိရပါသည်။
မိတ္ထီလာခရိုင်အနေဖြင့် မြို့နယ် (၄) ခုရှိသည့်အနက် သာစည်နှင့်ဝမ်းတွင်းမြို့နယ်တို့တွင် ဆည်ရေမရရှိသဖြင့် နွေစပါးစိုက်ပျိုးနိုင်ခြင်းမရှိသော်လည်း ဆီထွက်သီးနှံနှမ်းကို အစားထိုး စိုက်ပျိုးရန် ဆောင်ရွက်လျှက်ရှိပြီး အခြားမြို့ (၂) မြို့မှ ပိုမိုစိုက်ပျိုးရန် လျာထားဆောင်ရွက်လျှက်ရှိပြီး မိတ္ထီလာခရိုင် နွေစပါးစိုက်ဧက ပိုမိုဆောင်ရွက်လျက်ရှိပြီး၊ ရမည်းသင်းခရိုင်အနေဖြင့် ယခင်နှစ်ထက် ပိုမိုစိုက်ပျိုးရန် လျာထားဆောင်ရွက်လျက်ရှိကြောင်း သိရှိရပါသည်။
DOCA(မန္တလေး)