![](http://www.doca.gov.mm/sites/default/files/styles/consumer_inner_image__847x424_/public/46_5.jpg?itok=NAEB0jp8)
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် မြန်မာနိုင်ငံအလယ်ပိုင်းတွင် အလွန်ပူပြင်း သောနေရာဒေသတစ်ခုဖြစ်ပြီး ယခုလိုနွေရာသီတွင် သစ်သီးဝလံများဖြစ်သော စပျစ်သီး၊ ဖရဲသီး၊ လိမ္မော်သီး၊ သရက်သီး၊ ပိန္နဲသီး၊ ပန်းသီး၊ ပန်းသစ်တော်၊ ဖရဲသခွားသီး၊ စတော်ဘယ်ရီသီးနှင့်သံပုရာသီးတို့ မှာရောင်းအားကောင်း လျက်ရှိပါသည်။ သစ်သီးများစားသုံးခြင်းဖြင့် ရင်ကိုအေးမြစေခြင်း၊ အပူဒဏ်ကို သက်သာစေခြင်း တို့ကြောင့်လည်း ရောင်းအားကောင်းနေခြင်းဖြစ်ကြောင်း မြို့ဈေးသည်များထံမှ သိရှိရပါသည်။
၂၀၂၄ခုနှစ်၊ ဧပြီလ(စတုတ္ထပတ်)တွင် သစ်သီးဈေးနှုန်းများမှာ စပျစ်သီးတစ်ပိဿာလျှင် ကျပ် (၈၀၀၀မှ ၁၀၀၀၀)၊ ဖရဲသီးတစ်လုံးလျှင် ကျပ်(၃၀၀၀ မှ ၆၀၀၀)၊ လိမ္မော်သီးတစ်ပိဿာလျှင် ကျပ် (၈၀၀၀)၊ စိန်တစ်လုံး သရက်သီးတစ်လုံးလျှင် ကျပ်(၈၀၀ မှ ၁၂၀၀)၊ ပိန္နဲသီးတစ်လုံးလျှင် ကျပ်(၃၅၀၀၀)၊ ပန်းသီးတစ်လုံးလျှင် ကျပ်(၁၀၀၀ မှ ၂၀၀၀)၊ဖရဲသခွားတစ်လုံးလျှင် ကျပ်(၂၅၀၀)၊ပန်းသစ်တော် တစ်လုံး လျှင် ကျပ်(၂၅၀၀-၃၅၀၀)၊ စတော်ဘယ်ရီတစ်ဘူးလျှင် ကျပ် (၂၅၀၀)၊သံပုရာသီးတစ်လုံးလျှင် ကျပ် (၁၅၀) တို့ဖြင့်ရောင်းချ နေကြောင်း မြို့မဈေးသည်များထံမှ သိရှိရပါသည်။
လှိုင်ဥမ္မာဦး(ပခုက္ကူ)