သနပ်ပင်မြို့နယ်အတွင်း၌ ယခုလ ဒုတိယပါတ်တွင် ဆောင်းသီးနှံပဲတီစိမ်းများနှင့် ပဲလွန်း ဖြူများ ပေါ်နေပြီဖြစ်ကြောင်းသိရပြီး၊ သနပ်ပင်မြို့ ဈေးပိုင်းရပ်ကွက်၊ လမ်းမတော်ရှိ ဦးပုပွဲရုံ၊ ဘူတာပိုင်း နဒီ မင်္ဂလာလမ်းရှိ ဦးအန်းစိုက်ပွဲရုံ၊ ကော့ပြတ်ပိုင်း မြို့ရှောင်လမ်းရှိ အောင်သိဒ္ဓိပွဲရုံတို့မှ ပဲများကို ဝယ်ယူနေကြပြီဖြစ်ကြောင်းသိရှိရပါသည်။ ပဲတီစိမ်း(၇၂) ပေါင် တစ်တင်းလျှင်( ၄၅၅၀၀) ကျပ် ၊ ပဲလွန်းဖြူ (ချက်မဲ ) တစ်တင်းလျှင် ( ၄၀၀၀၀ )ကျပ် ၊ ပဲလွန်းဖြူ ( ချက်ဖြူ ) တစ်တင်းလှျင် ( ၃၅၀၀၀ ) ကျပ်ဖြင့် ဝယ်ယူနေကြကြောင်းနှင့် ဝယ်ယူထားသည့်ပဲများအား တစ်စီးစာရလှျင် ရန်ကုန်သို့ ချက်ချင်း တင်ပို့ ကြကြောင်း သိရှိရပါသည်။ သယ်ယူပို့ဆောင်ခမှာ (၁.၅ ) တင်း တစ်အိတ်ကို ( ၇၀၀ ) ကျပ် ပေးရပြီး ယခင်နှစ်ဈေးထက် ယခုနှစ် ပဲလွန်းဖြူဈေးမှာ (၁၀၀၀၀) ကျပ်ခန့် ကျဆင်းသွားကြောင်း သတင်း ရရှိပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)