မွန်ပြည်နယ်၊ သထုံခရိုင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးအောင်ကျော်မင်းနှင့် ကျိုက်ထိုမြို့နယ်တာဝန်ခံဦးဇော်ဦးတို့သည် (၁၆.၂.၂၀၂၂) ရက်နေ့ နံနက် (၁၀:၀၀ )နာရီတွင် ကျိုက်ထိုမြို့အထွက် ရန်ကုန်-မော်လမြိုင် ကားလမ်းဘေးအမှတ်(၁၃၈-က) အင်းတရော် အရှေ့မြောက်ရပ်ကွက်ရှိ ဦးစိုးသီဟ၏ ခရမ့်ရာဘာစက်ရုံသို့ သွားရောက်၍ ကွင်းဆင်းလေ့လာခဲ့ပါသည်။
အဆိုပါကွင်းဆင်းလေ့လာမှုတွင် ခရမ့်ရာဘာထုတ်လုပ်ပုံအဆင့်ဆင့်ကို မေးမြန်းဆွေးနွေးခဲ့ပြီး ခရမ့်ရာဘာကို ပြည်တွင်းသုံးရန်နှင့် ပြည်ပနိုင်ငံများသို့ပါ တင်ပို့ရောင်းချလျက်ရှိကြောင်း၊ ခရမ်းရာဘာများထုတ်လုပ်ရာတွင် အညိုရောင်နှင့် အဝါရောင်တုံးများ ပြုလုပ်၍ အညိုရောင်ခရမ့်ရာဘာကို ဆွဲဖတ်၊ ခွက်ကပ် (၅၀%) နှင့်နေလှန်းရာဘာပြား (၅၀%)စီရောနှော၍ ပြုလုပ်ပြီး အဝါရောင်ခရမ့်ရာဘာတုံးများကို ရာဘာအစေးရည်ကို အသုံးပြု ထုတ်လုပ်ထားကြောင်းသိရှိရပါသည်။
ခရမ့်ရာဘာတစ်တုံးလျှင် (၇၇)ပေါင် ရှိပြီး အညိုရောင်ခရမ့်ရာဘာတစ်ပေါင်လျှင် (၁၃၀ဝိ/-) နှုန်းနှင့် အဝါရောင်ခရမ့်ရာဘာတစ်ပေါင်လျှင် (၁၄၅ဝိ/-)နှုန်းရောင်းချရကြောင်း၊ ခရမ့် ရာဘာထုတ်လုပ်ရာတွင် ကုန်ကြမ်းအနေဖြင့် ဆွဲဖတ်၊ ခွက်ကပ်(အခြောက်) တစ်ပေါင်လျှင် (၅၀ဝိ/-) ကျပ်နှုန်းနှင့် နေလှန်းပြားအခြောက် တစ်ပေါင်လျှင် (၁၁၀ဝိ/-)နှုန်း၊ အစေးရည် တစ်ပိဿာလျှင် (၃၈၀ဝိ/-)နှုန်းဖြင့် ဝယ်ယူရကြောင်းသိရှိရပါသည်။
အညိုရောင်ခရမ့်ရာဘာများကို ပြည်တွင်းစက်မှုကုန်ကြမ်းအဖြစ် အဓိကထားသုံးစွဲလျက်ရှိပြီး အဝါရောင်ခရမ့်ရာဘာတုံးများကို ရန်ကုန်မြို့မှတဆင့် မလေးရှားနိုင်ငံသို့ အဓိကထား တင်ပို့ရောင်းချလျက်ရှိကြောင်း လေ့လာတင်ပြလိုက်ပါသည်။
DOCA(မွန်)