ပြည်ဈေးကွက်အတွင်း ယခုနွေရာသီကာလတွင် ရေသွင်းစိုက်ပျိုးသည့် မုန်လာဥဖြူများ ဈေးကောင်းရလျက်ရှိပြီး ပြည်မြို့ပေါ်ရှိ လက်လီဈေးများသို့ ပုတီးကုန်း၊ ဆင်မြီးဆွဲ၊ မှုတ်ရှည်၊ ကင်ပွန်းခြုံ စသည့်ရွာများမှ ဝင်ရောက်မှုရှိနေကြောင်းသိရသည်။ တစ်ပတ်လျှင် ရက်ခြားအဝင်ရှိနေပြီး တစ်ကြိမ်ဝင်လျှင် (၅)လုံးပါအတွဲစည်း (၆၀ - ၇၀)ခန့်ဝင်ရောက်မှုရှိနေသည်။ အရောင်းအဝယ်မှာ အဝင်ရှိသလောက် အရောင်းအဝယ်ဖြစ်နေပြီး ယခင်ဆောင်းတွင်းကာလ မုန်လာဥဖြူ ဈေးနှုန်းမှာ (၅)လုံးပါ အတွဲတစ်စည်းလျှင် (၂၅၀ - ၃၀၀)ခန့်ရှိပြီး ယခု၂၀၂၄ခုနှစ်၊ ဧပြီလမှ မေလ ပထမပတ်အတွင်း ရှားပါးချိန် နွေရာသီကာလတွင် (၅)လုံးပါ အတွဲတစ်စည်းလျှင် အလုံးအကြီးအသေးပေါ် မူတည်၍ ကျပ် (၅၀၀ - ၆၀၀) ခန့် စသည့်ဈေးနှုန်းအသီးသီးဖြင့် ရောင်းချမှုရှိကြောင်းသိရှိရပါသည်။
DOCA(ပဲခူး)