မိသားစုစားဖိုဆောင်များတွင် ဟင်းလျာအတွက် ကြက်ဥသည် မရှိမဖြစ်နေရာယူထားပါ သည်။ ဟင်းချက်ရလွယ်ကူ အာဟာရဓါတ်လည်းပြည့်ဝသည့်အတွက် စားသောက်ဆိုင်များ၊ စားဖိုဆောင်များ၊ မုန့်လုပ်ငန်းများတွင် ကြက်ဥသည် မရှိမဖြစ် နေရာယူထားပါသည်။
တောင်ငူမြို့တွင် ငါးသုံးလုံး (555) ကြက်ဥဒိုင်၊ သုံးသုံးလုံး (333) ကြက်ဥဒိုင်နှင့် ကြယ်နီ ကြက်ဥဒိုင်ဟူ၍ ကြက်ဥဒိုင်ကြီး သုံးဒိုင်ရှိပါသည်။ တောင်ငူမြို့နယ် မွေးမြူရေးနှင့်ကုသရေးဦးစီးဌာန ၏ စာရင်းများအရ တောင်ငူမြို့နယ်တွင် ဥစားကြက်မွေးမြူသူ လုပ်ငန်းရှင်(၆)ဦး မွေးမြူထားသည့် လသားကြက်၊ ကြက်မဒန်းနှင့် ဥကြက်စုစုပေါင်း အကောင်ရေ ၁၂၃၀၀၀ ရှိကြောင်းသိရှိရပါသည်။ ဒိုင် များသို့ နေ့စဉ်ကြက်ဥဝင်ရောက်မှုမှာ ငါးသုံးလုံး ကြက်ဥဒိုင်သို့ အလုံးရေ ၁၀၀၀၀ ခန့်၊ သုံးသုံးလုံး ကြက်ဥဒိုင်သို့ အလုံးရေ ၁၀၀၀၀ ခန့်နှင့် ကြယ်နီကြက်ဥဒိုင်သို့ အလုံးရေ ၁၂၀၀၀ ခန့်ရှိကြောင်း သိရှိ ရပါသည်။ ကြက်ဥဈေးနှုန်းအနေဖြင့် လက်လီဈေး အသေး ၁၀ လုံးလျှင် ၁၃၀၀ ကျပ်၊ အလတ် ၁၀ လုံးလျှင် ၁၄၀၀ ကျပ်နှင့် အကြီး ၁၀ လုံးလျှင် ၁၅၀၀ ကျပ် ရောင်းချရကြောင်း သိရှိရပြီး ကြက်ဥ ဒိုင်များမှ အများဈေးဖောက်သည်ပေးရာတွင် လက်လီဈေးရောင်းသည့်နှုန်းမရကြောင်း၊ ကြက်ဥဈေး တက်လာရသည်မှာ ကြက်စာ၊ အစာထဲသို့ထည့်ရသည့်ဆေးနှင့် လုပ်သားခများ ဈေးတက်လာခြင်း ကြောင့်ဖြစ်ကြောင်း သိရှိရပါသည်။
ယခင်နှစ်နှင့် နှိုင်းယှဉ်လျှင် ကြက်ဥဈေးတက်လာသည်ဟု ဆိုသော်လည်း ပွဲရုံသို့ အလုံးဈေး လာသွင်းသည့်အခါ ကြက်ဥအလုံး ၃၀ ပါ ကတ်များဖြင့် ပေးပို့လျှက်ရှိပြီး ကြက်ဥအကွဲရွေး၍ ဥကွဲ ဈေးဖြင့်ပြန်ရောင်းရသောကြောင့် အမြတ်နည်းပါးပါကြောင်း၊ ဥစားကြက်မွေးသူများအနေဖြင့် ဥကြက်အားလုံး၏ ၈၀ ရာခိုင်နှုန်းအထက် အမြဲဥနေလျှင် အမြတ်ရရှိနိုင်ပါကြောင်း၊ ကြက်မွေးမြူသူ များသည် မိမိတို့ကြက် ဥနှုန်းမကျအောင် စနစ်တကျမွေးမြူသော်လည်း အစာဈေးနှုန်း (ကုန်ကြမ်း အပါအဝင်) ၊ ကြက်ဥဈေးနှုန်းတို့မှာ ဈေးကွက်လိုအပ်ချက်အရ အတက်အကျရှိသောကြောင့် ဥစား ကြက်မွေးမြူရေးလုပ်ငန်းသည် နိမ့်တစ်ခါ မြင့်တစ်လှည့်ဖြင့်သာ လုပ်ကိုင်နေရကြောင်း သတင်း ရရှိပါသည်။
DOCA(ပဲခူး)