စားသုံးသူရေးရာဉီးစီးဌာန၊ ရန်ကုန်မြောက်ပိုင်းခရိုင်အတွင်း ထန်းတပင်မြို့နယ်ရှိ စက်သုံးဆီဆိုင်များမှ နေ့စဉ်စက်သုံးဆီဈေးနှုန်းများကို ကောက်ယူလျက်ရှိရာ နံနက်(၁၀:၃၀)အချိန်တွင် အထူးဈေးနှုန်းဖြင့် ရောင်းချလျက်ရှိသော ရွှေဗျိုင်းဖြူ(ထန်းတပင်)စက်သုံးဆီဆိုင်သို့ ကွင်းဆင်းလေ့လာ ခြင်းလုပ်ငန်းများကို ဆောင်ရွက်ခဲ့ပါသည်။
ထိုသို့ဆောင်ရွက်ရာတွင် ထန်းတပင်မြို့နယ်အတွင်းရှိ ဈေးနှုန်းတာဝန်ထမ်းဆောင်နေသော ဝန်ထမ်းသည် ၁၇.၂.၂၀၂၂ နေ့ နံနက်(၁၀:၃၀) အချိန်တွင် အထူးဈေးနှုန်းဖြင့် ရောင်းချလျက်ရှိသော ရွှေဗျိုင်းဖြူ(ထန်းတပင်)စက်သုံးဆီဆိုင်သို့ ကွင်းဆင်းလေ့လာခဲ့ရာတွင် (92)အား ပြင်ပဈေးဖြစ်သော (၁)လီတာ (၁၆၅၀)ကျပ်နှုန်းဖြင့်လည်းကောင်း၊ အထူးဈေးနှုန်းဖြင့် ရောင်းချလျက်ရှိသော ဒီဇယ်ကို (၁)လီတာ (၁၅၄၇)ကျပ်နှုန်းနှင့် ပရီမီယံဒီဇယ် (၁)လီတာ (၁၅၅၅)ကျပ်နှုန်းဖြင့် အသီးသီးရောင်းချလျက်ရှိပါကြောင်း၊ နေ့စဉ်ရောင်းချခဲ့သော လီတာများနှင့်ဈေးနှုန်းများကိုလည်း စနစ်တကျမှတ်တမ်း များ ရေးသွင်းထားခြင်းနှင့် နေ့စဉ်မိမိတို့ဌာနသို့ ပေးပို့လျက်ရှိပါကြောင်း၊ အထူးဈေးနှုန်းဖြင့် ရောင်းချသောကာလများတွင်လည်း နိုင်ငံတော်မှသတ်မှတ်ထားသော ဈေးနှုန်းများဖြင့်သာ ရောင်းပါကြောင်း၊ မိမိတို့ဌာနမှ လိုအပ်သောအချက်အလက်များနှင့်ဓါတ်ပုံများကိုလည်း လိုအပ်သည့်အချိန်တိုင်း ပူးပေါင်းဆောင်ရွက်ပါကြောင်းနှင့် လိုအပ်သည်များရှိခဲ့ပါလျှင်လည်း နားလည်မှုများ ပေးစေလိုပါကြောင်း မြေပြင်သို့ကွင်းဆင်းလေ့လာချက်များအရ သိရှိခဲ့ရပါသည်။
DOCA(ရန်ကုန်)