၂၀၂၄ခုနှစ်၊ မေလ (၉)ရက်နေ့၊ နေ့လယ်(၁၃း၀၀)နာရီအချိန်တွင် တနင်္သာရီတိုင်းဒေသကြီး၊ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူးနှင့် ကွမ်းသီးလုပ်ငန်းရှင်တို့သည် မြိတ်ခရိုင်၊ စားသုံးသူရေးရာဦးစီးဌာနတွင် တွေ့ဆုံပြီး ကွမ်းသီးလုပ်ငန်းနှင့်ပတ်သက်၍ ဆောင်ရွက်နေမှုအခြေအနေများအား ဆွေးနွေးခဲ့ကြပါသည်။
ထိုသို့ဆွေးနွေးရာတွင် မြိတ်ခရိုင်ကွမ်းသီးလုပ်ငန်းရှင်များအသင်းကို အဖွဲ့ဝင် (၂၆)ဦးဖြင့် ဖွဲ့စည်းခဲ့ကြောင်း၊ မြိတ်ခရိုင်တွင် ကွမ်းသီးစိုက်ဧကမှာ (၂၀၂၃-၂၀၂၄) ခုနှစ်တွင် ၄၅၅၉၂ဧကခန့်ရှိကြောင်း၊ မြိတ်ခရိုင်တွင် ကွမ်းသီးတရားမဝင်တင်ပို့မှုမဖြစ်စေရေးနှင့် ဒေသထွက်ကွမ်းသီးဖြစ်ကြောင်းကို ဌာနဆိုင်ရာကွမ်းသီးစစ်ဆေးရေးအဖွဲ့ဖြင့်စစ်ဆေးပြီးနောက် ရန်ကုန်နှင့်မန္တလေးဒေသများသို့ တင်ပို့နေကြောင်းဆွေးနွေးခဲ့ပြီး တိုင်းဒေသကြီးဦးစီးမှူးက အသင်းအဖွဲ့တွင် အခက်အခဲရှိပါက စစ်ဆေးရေးအဖွဲ့များ၊ အသင်းသားများနှင့် ပူးပေါင်းဖြေရှင်းဆောင်ရွက်ရန်နှင့် လိုအပ်ပါက သက်ဆိုင်ရာဌာနများနှင့် ချိတ်ဆက်ဆောင်ရွက်ပေးမည်ဖြစ်ကြောင်းသိရှိရပါသည်။
DOCA(တနင်္သာရီ)