မန်ကျည်းပင်များသည် မြို့ရွာ၊ ကျေးလက်ဒေသများတွင်သာမက လယ်ကွင်းများ၊ ခြံဥယျာဉ်များ၊ ကျွဲ ၊နွား စားကျက်များ၌ အနှံ့အပြား တွေ့မြင်နိုင်ပြီး စိုက်ပျိုး၍ရသလို သဘာဝအလျောက်လည်း ပေါက်ရောက်တတ်ပြီး အပင်ပေါက်လွယ်သည့် သစ်ပင်မျိုးဖြစ်ကာ အရွက်နုလေးများထွက်လာလျှင် ခူးယူပြီး ရာသီစာအဖြစ် ရောင်းချလျက်ရှိပါသည်။
ရာသီစာ မန်ကျည်းရွက်နုများကို အများအားဖြင့် ကြော်စား၊ ချက်စား၊ သုပ်စား ၊ အရည်သောက်ဟင်းချိုများ ချက်စားကြသည့်အပြင် မန်ကျည်းရွက်နုတွေ မန်ကျည်းပွင့်တွေကို နှစ်ပေါက်စားသုံးနိုင်အောင် အိုးလေးတွေနဲ့ သိပ်ပြီးအချဉ်တည်ကာ နှစ်နှစ်သက်သက် စားသုံးကြလေ့ရှိပါတယ်
ဧရာဝတီတိုင်းဒေသကြီး၊ ပုသိမ်မြို့တွင်လည်း ရာသီစာပေါ်ဦးပေါ်ဖျား မန်ကျည်းရွက်နုများအား တစ်ပိဿာလျှင် ၁၀၀၀၀-၁၂၀၀၀ ကျပ်ဖြင့် ရောင်းချနေရခြင်းကြောင့် မန်ကျည်းရွက်နု ခူးယူရောင်းချနေသူများ လတ်တလော စီးပွားရေးတွက်ခြေကိုက်နေကြသည့်အတွက် မိသားစု အပိုဝင်ငွေရနေကြောင်း မန်ကျည်းရွက်ခူးယူရောင်းချနေသူများထံက သိရသည်။
DOCA(ဧရာဝတီ)