စားသုံးသူရေးရာဦးစီးဌာန၊ မြောက်ပိုင်းခရိုင်၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုတိယကြီးကြပ်ရေးမှူးပါ(၂) ဦးတို့သည် (၁၄-၅-၂၀၂၄)ရက်နေ့ နံနက်(၀၈:၃၀)နာရီအချိန်တွင် မြို့မဈေးအတွင်းရှိ လက်လီရောင်းချနေသောစားအုန်းဆီဆိုင်များသို့သွားရောက်၍ ကွင်းဆင်းစစ်ဆေးခဲ့ပါသည်။
ထိုသို့ ဆောင်ရွက်ခဲ့ရာ ဈေးကွက်အတွင်းတွင် (၁၃-၅-၂၀၂၄) ရက်နေ့ထွက်ရှိသော ရည်ညွှန်းဈေး၅၂၂၀ကျပ်အပေါ်တွင် သယ်ယူစရိတ်+၂% အမြတ်တင်ရောင်းချမည်ဟု သတ်မှတ်ချက်များအတိုင်း လက်ကား၅၅၀၀ကျပ်ယူပြီး လက်လီ၅၇၀၀ကျပ်တို့ဖြင့်ရောင်းချကြောင်း၊ စားသုံးသူ ပြည်သူများကိုလည်း မနက်ဈေးဝယ်လာတိုင်းလူတစ်ဦးလျှင်၅၀ကျပ်သားရောင်းချပေးပါကြောင်း၊ ယခုရက်ပိုင်းအတွင်းအဝယ်များပါကြောင်း၊ နေ့စဉ်လည်းဖြန့်ဖြူးလျက်ရှိကြောင်း စစ်ဆေးတွေ့ရှိရပြီး မိမိတို့ဌာနမှလည်းစားအုန်းဆီများကို ဝိသမလောဘဖြင့်ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်း အပါအဝင်မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း စားအုန်းဆီရောင်းချနေသောကုန်စုံဆိုင်များအားလုံး လိုက်နာဆောင်ရွက်ရန် အသိပေးပြောကြားခဲ့ပါသည်။
DOCA(ရန်ကုန်)