ပဲခူးတိုင်းဒေသကြီး၊ သာယာဝတီခရိုင်အတွင်းမြို့နယ်များ၌ MSMEs စီးပွားရေးလုပ်ငန်းရှင်များအား နိုင်ငံ့စီးပွားမြှင့်တင်ရေးလုပ်ငန်းကော်မတီ၏ ကြီးကြပ်လမ်းညွှန်မှုဖြင့် နိုင်ငံစီးပွားမြှင့်တင်ရေးရန်ပုံငွေမှ စီးပွားရေးလုပ်ငန်းများဖွံ့ဖြိုးတိုးတက်ရန်အတွက် ခိုင်မာသောအာမခံချက်များရယူပြီး (၂၅-၅-၂၀၂၃) ရက်နေ့တွင် ချေးငွေများကို စီးပွားရေးလုပ်ငန်းရှင်များအား ထုတ်ချေးပေးခဲ့ပါသည်။ သာယာဝတီခရိုင်အတွင်းရှိ လုပ်ငန်းရှင်များအား ကျပ်သိန်းပေါင်း (၁၃၆၀) သိန်းထုတ်ချေးပေးခဲ့ပြီးစတင်ချေးယူသည်မှ (၆)လပြည့်မြောက်သည့် (၁၅-၁၁-၂၀၂၃) ရက်နေ့တွင် ပထမအကြိမ် အတိုးနှုန်း (၀.၅၀)% ကို စီးပွားရေးလုပ်ငန်းရှင်များက ပေးဆပ်ခဲ့ကြပါသည်။ ချေးငွေရယူပြီးချိန်၌ လုပ်ငန်းများတိုးတက်အောင်မြင်ခဲ့ပြီး စီးပွားရေးလုပ်ငန်းများကိုလည်းတိုးချဲ့ကာ ပြုပြင်ပြောင်းလဲမှုများ လုပ်ဆောင်ခဲ့ကြောင်း၊ ယခုအချိန်တွင် ချေးငွေရယူထားသည်မှာ (၁)နှစ်ပြည့်မြောက်တော့မည်ဖြစ်သဖြင့် ခရိုင်အတွင်းမြို့နယ်များ၌ ချေးငွေအရင်းများနှင့် အတူဒုတိယအကြိမ် အတိုးနှုန်းများကိုလည်း ပေးဆပ်နေပြီဖြစ်ကြောင်းသိရှိရပါသည်။
DOCA(ပဲခူး)