မိတ္ထီလာမြို့သည် မြန်မာနိုင်ငံအလယ်ပိုင်း၌ တည်ရှိပြီး၊ ကုန်စည်စီးဆင်းမှုတွင် လမ်းဆုံကျသော မြို့တစ်မြို့ဖြစ်ပါသည်။ မိတ္ထီလာမြို့မှ ဒေသထွက် ကုန်စည်များကို ရန်ကုန်၊ မန္တလေးမြို့ကြီးများနှင့် အခြားမြို့များသို့ တင်ပို့နေရာ ယခုသင်္ကြန်ပြီး ရန်ကုန်၊ ပဲခူးမြို့များသို့ ကုန်တင်ခဈေးများ ပုံမှန်ပြန်ဖြစ်လာကြောင်း သိရသည်။ သင်္ကြန်မတိုင်မီက ရန်ကုန်၊ ပဲခူးတို့မှ အပြန်ကုန် နည်းသည့်အတွက် မိတ္ထီလာ-ရန်ကုန် တစ်ပိဿာ (၂၀၀) ကျပ်၊ မိတ္ထီလာ-ပဲခူး (၁၈၀) ကျပ်ရှိခဲ့ပါသည်။ သင်္ကြန်ကာလပြီး ဧပြီ တတိယပတ်၌ မိတ္ထီလာ-ရန်ကုန် တစ်ပိဿာ (၁၃၀) ကျပ်၊ မိတ္ထီလာ-ပဲခူး (၁၁၅) ကျပ်ရှိပြီး၊ မိတ္ထီလာ-မန္တလေး ကုန်တင်ခမှာ သင်္ကြန်မတိုင်မီကာလနှင့် များစွာပြောင်းလဲမှုမရှိဘဲ တစ်ပိဿာ ကုန်တင်ခမှာ ကုန်ကျစ် (၅၀) ကျပ်ဖြင့် ဈေးငြိမ်နေပါသည်။ မိတ္ထီလာမှ တင်ပို့မှုများသော ကုန်စည်များမှာ ဒေသထွက် လယ်ယာထွက်ကုန်သီးနှံများဖြစ်သည့် ပဲ၊ ကြက်သွန်နီ၊ နှမ်း၊ မြေပဲ၊ ငရုတ်တို့ဖြစ်ကာ ယခုရက်ပိုင်း ဒေသတွင်းထွက်ရှိမှုလှိုင်သော ကြက်သွန်နီကို ရန်ကုန်၊ ပဲခူး၊ တာချီလိတ်၊ မန္တလေးမြို့များသို့ တင်ပို့နေကြောင်း သိရသည်။
DOCA(မန္တလေး)