![](http://www.doca.gov.mm/sites/default/files/styles/consumer_inner_image__847x424_/public/စိန်_0.jpg?itok=SeCDz3uE)
မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် စိန်တစ်လုံးသရက်ပင်များကို ဥယျာဉ်ခြံအဖြစ်သီးသန့်စိုက်ပျိုးကြသလို မိမိတို့အိမ်ခြံဝိုင်းအတွင်း၌လည်း တစ်နိုင်တစ်ပိုင် စိုက်ပျိုးကြပါသည်။ မင်းလှမြို့အတွင်း စိန်တစ်လုံးသရက်မပေါ်ထွက်ခင် မန္တလေးမြို့၊ တောင်တွင်းကြီးမြို့နှင့် မကွေးမြို့တို့မှ တဆင့်မှာယူ၍ ပြန်လည်ရောင်းချလျက်ရှိကြောင်းလည်း သိရှိရပါသည်။
အထက်မင်းလှမြို့အတွင်း စိန်တစ်လုံးသရက်မှာ ၂၀၂၄ခုနှစ်၊ မေလ(ဒုတိယပတ်)တွင် စတင် ထွက်ပေါ်ချိန်တွင် (၁)လုံးလျှင် အလုံးအကြီး၊ အသေးအလိုက် ကျပ်(၇၀၀ မှ ၁၀၀၀)ထိဈေးရလျက်ရှိ ကြောင်း၊ မိမိအနေဖြင့် စိန်တစ်လုံးသရက်ပင် (၃၀)ပင် စိုက်ပျိုးထားကြောင်း၊ စိန်တစ်လုံး သရက် ပင်မှာ စိုက်ပျိုးပြီး အပင်သက်တမ်း(၅)နှစ် အကြာမှသာအသီး သီးပါကြောင်း၊ ယခင်နှစ်က စိန်တစ်လုံး သရက်ပင်များမှာ အထွက်နှုန်းကောင်းပြီး အပင်သက်တမ်းအနုအရင့်အလိုက် တစ်ပင်လျှင် အလုံးရေ (၈၀၀ မှ ၁၀၀၀)ကြားသီးပြီး သရက်သီးပေါ်စအချိန်တွင် (၁)လုံးလျှင် ကျပ်(၄၀၀)ဈေးရရှိခဲ့ကြောင်း၊ ယခုနှစ်တွင် ရာသီဥတုပူလွန်းပြီး တစ်ပင်လျှင်(၄၀၀ မှ ၅၀၀)ကြားသာသီးပြီး အထွက်နှုန်းလျော့သော်လည်း ဈေးနှုန်းမှာကောင်းပါကြောင်း၊ ယခုမေလ(တတိယပတ်)တွင် စိန်တစ်လုံးသရက် လက်လီ ဈေးမှာ (၁)လုံးလျှင် ကျပ်(၆၀၀ မှ ၈၀၀)ထိဈေးရရှိပါကြောင်း၊ ထွက်ရှိသည့်စိန်တစ်လုံး သရက်သီး များကို မိမိခြံ၌သာရောင်းချပါကြောင်း အထက်မင်းလှမြို့နေ စိန်တစ်လုံးသရက်စိုက်ပျိုးသူ ဦးသန်းစိုး ထံမှ သိရှိရပါသည်။
DOCA(မကွေး)