![](http://www.doca.gov.mm/sites/default/files/styles/consumer_inner_image__847x424_/public/134_5.jpg?itok=XoIURRnA)
စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းကို မိမိတို့အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကို ဆောင်းစိုက်နှင့် မိုးစိုက်ဟူ၍ နှစ်မျိုးခွဲ၍စိုက်ပျိုးကြရာ မိုးစိုက်မှာ ပိုးကျလွယ်သည့်အတွက် အနည်းငယ်သာစိုက်ပျိုးကြပြီး ဆောင်းစိုက်ကိုသာ ပိုမိုစိုက်ပျိုးကြကြောင်းသိရသည်။
မုံရွာမြို့နယ်၌ဖြစ်ပေါ်နေသော ကွမ်းဈေးနှုန်းများအနေဖြင့် အရည်အသွေးအပေါ်မူတည်၍ မေလ (ပထမပတ်) တွင် ကွမ်းတစ်ပိဿာလျှင် ငွေကျပ်(၉၀၀၀-၁၁၀၀၀)ဖြင့်လည်းကောင်း၊ မေလ (ဒုတိယပတ်)တွင် ငွေကျပ်(၁၀၀၀၀-၁၃၀၀၀) ဖြင့်လည်းကောင်း၊ မေလ (တတိယပတ်) တွင် ငွေကျပ် (၁၇၀၀၀-၂၀၀၀၀) ဖြင့်လည်းကောင်း ရောင်းချလျက်ရှိကြောင်း၊ နွေရာသီတွင် ကွမ်းအထွက်နှုန်းတိုးသော်လည်း ရာသီဥတုအပူဒဏ်ကြောင့် ရွက်လိပ်ပိုးကျကာ ဈေးကွက်အတွင်း ကုန်ဝင်ရောက်မှုနည်းခြင်းကြောင့် ဈေးနှုန်းများမြင့်တက်လျက်ရှိကြောင်း၊ ပုံမှန်အားဖြင့် ဆောင်းကွမ်းဈေးနှုန်းသည် ဈေးအမြင့်ဆုံးဖြစ်သော်လည်း ယခုနှစ်နွေကွမ်းဈေးနှုန်းမှာ ဆောင်းကွမ်းဈေးနှုန်းထက် ဈေးနှုန်းရရှိကာ အကျိုးအမြတ်ပိုမိုရရှိကြောင်း ကွမ်းစိုက်တောင်သူများထံမှသိရှိရပါသည်။
DOCA(စစ်ကိုင်း)