အခြေခံအရေးကြီးစားကုန်ပစ္စည်းများပြတ်လတ်မှုမရှိစေရေး၊ ဈေးနှုန်းကြီးမြင့်စေရန် ရည်ရွယ်ချက်ဖြင့် သိုလှောင်ထားရှိခြင်း၊ ဖြန့်ဖြူးရောင်းချခြင်းများမရှိစေရေး၊ ဈေးနှုန်းမြှင့်တင် ရောင်းချမှုမရှိစေရေးတို့အတွက် မန္တလေးမြို့တွင်းရှိ ဆန်အရောင်းဆိုင်(၅) ဆိုင်အား (၂၁.၅.၂၀၂၄) ရက်နေ့တွင် မန္တလေးတိုင်းဒေသကြီးစားသုံးသူရေးရာဦးစီးဌာန၊ ဗဟိုစာရင်းအင်းအဖွဲ့၊ ချမ်းအေး သာစံမြို့နယ် အထွေထွေအုပ်ချုပ်ရေးဦးစီးဌာနတို့ ပါဝင်သောပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြပါသည်။
ဆန်ဆိုင်များတွင် ယခုတပတ်ရွှေဘိုပေါ်ဆန်းတစ်အိတ်လျှင် -၁၄၅၀၀၀-၁၅၀၀၀၀ကျပ်၊ မနောသုခတစ်အိတ်လျှင် -၈၇၀၀၀-၉၂၀၀၀ကျပ်၊ ဇီယာတစ်အိတ်လျှင်-၈၆၀၀၀-၉၀၀၀၀ကျပ်၊ ဧရာမင်း-တစ်အိတ်လျှင်-၁၂၅၀၀၀-၁၃၅၀၀၀ကျပ်၊ မယင်းသုခတစ်အိတ်လျှင်-၈၅၀၀၀ကျပ်၊ ရက်၉၀ တစ်အိတ်လျှင်-၈၉၀၀၀ကျပ်၊ ရွှေဝါထွန်းတစ်အိတ်လျှင်-၁၁၀၀၀၀ကျပ်၊ ချင်းသုံးတစ်အိတ်လျှင်-၇၈၀၀၀ကျပ် ဖြင့် ဆန်အမျိုး အစား ပေါ်မူတည်၍ ဈေးနှုန်းများကွာခြားကြောင်းသိရှိရပါသည်။ ဆန်များကို မတ္တရာ၊စဉ့်ကိုင်၊ ရွှေဘိုဘက်မှ အများဆုံးတင်သွင်းပြီး ပြန်လည်ရောင်းချမှုအနေဖြင့် မန္တလေးမြို့တွင်းလက်လီ၊ လက်ကား အဓိကထား ရောင်းချကြောင်းသိရှိရပြီး ပြင်ဦးလွင်ဘက်သို့လည်း တင်ပို့ကြောင်း သိရှိရပါသည်။ ယခင်အပတ်နှင့် ဈေးနှင့်နှိုင်းယှဉ်ပါက ကွာခြားမှုမရှိဘဲ ဈေးငြိမ်နေပြီး ဈေးကွက်အခြေနေအနေဖြင့် အရောင်းအဝယ်အေးလျက်ရှိကြောင်း သိရှိရပါ သည်။
DOCA(မန္တလေး)