ပြည်ခရိုင်၊ ပြည်မြို့ရှိ ပြည်ကုန်စည်ဒိုင်တွင် မတ်ပဲသစ်များဝင်ရောက်လျှက်ရှိပြီး တစ်ရက်လျှင် အိတ် ၁၅၀/၂၀၀ခန့် ပန်းတောင်း၊ ကံမ၊ မင်းတုန်း၊ ပေါင်းတလည်၊ ပေါက်ခေါင်း မြို့ဘက်မှ ဝင်ရောက်မှုရှိပါသည်။ ဇန်နဝါရီလကုန်ပိုင်းတွင် ပဲတစ်တင်းလျှင် (၄၂၅၀၀-၄၂၈၀၀)ဖြင့် အရောင်းအဝယ်ဖြစ်ပြီး ဖေဖော်ဝါရီပထမပတ်မှစ၍ မတ်ပဲဈေး တဖြည်းဖြည်းပြန်ကျလာခဲ့ရာ တစ်တင်းကို ၃၈၀၀၀- ၃၉၅၀၀- ၄၀၀၀၀ ကျပ်ထိ ဈေးကျလာခဲ့ပါသည်။ ပဲဈေးကျသော်လည်း ရန်ကုန်ဝယ်လက် ပုံမှန်ရှိ၍ တနေ့လျှင် အိတ် ၂၀၀-၂၅၀ခန့် အရောင်းအဝယ်ဖြစ်ခဲ့ရာ ယခုအခါ ဖေဖော်ဝါရီလ တတိယပတ်တွင် ဈေးပြန်တက်လာပြီး ၄၁၀၀၀-၄၂၀၀၀ ကျပ်ထိ ဈေးတက်လာခဲ့ ပါသည်။
ပဲစင်းငုံသီးနှံမှာ ဇန်နဝါရီလ ဒုတိယပတတွင် ပဲဈေးကျပြီး ပဲတစ်တင်းလျှင် ၄၀၅၀၀ကျပ်ထိ ဈေးကျ၍ တတိယပတ်တွင် တစ်တင်းလျှင် ၄၂၀၀၀ကျပ်ထိ ဈေးပြန်တက်လာခဲ့ပါသည်။ ရန်ကုန် ဝယ်လက် နှင့် လှောင်လက်သမားများ အဝယ်ရှိပြီး တစ်ရက်ကိုအိတ် ၂၀၀/၃၀၀ခန့် ရန်ကုန်သို့ တင်ပို့မှုရှိခဲ့ပါသည်။
ဇန်နဝါရီလနောက်ဆုံးပတ်တွင် ကုလားပဲတစ်တင်းလျှင် ၄၆၅၀၀ကျပ် ထိဈေးတက်ခဲ့ပြီး ဖေဖော်ဝါရီ ပထမပတ်တွင် ၄၄၅၀၀ကျပ်နှင့် အရောင်းအဝယ်ဖြစ်ခဲ့၍ ဒုတိယပတ်တွင် ပဲတစ်တင်းကို ၄၃၀၀၀ကျပ်၊ တတိယပတ်တွင် ၄၀၀၀၀ကျပ်ထိ ဈေးကျလာခဲ့ပါသည်။ အရောင်းအဝယ်ဖြစ်မှု အနေဖြင့် တစ်ရက်ကို ကုလားပဲအိတ် ၂၀၀/၃၀၀ခန့် ခွဲစက်သမားများ၊ မြို့တွင်းရောင်းချမှု လှောင်သမား များ၊ ရန်ကုန်ဝယ်လက်နှင့် နယ်စုံတင်ပို့ရောင်းချလျှက်ရှိကြောင်း သတင်းရရှိပါသည်။
DOCA(ပဲခူး)