မန္တလေးတိုင်းဒေသကြီးတွင် ဝါသီးနှံကို မိုးကြို၊မိုး၊မိုးနှောင်းဟူ၍ စိုက်ပျိုးကြပြီး တိုင်းဒေသကြီးအတွင်း မိုးဝါကို မြို့နယ်အသီးသီးတွင် စိုက်ပျိုးကြပါသည်။ မိုးကြိုဝါကိုမူ ဖေဖော်ဝါရီလနှင့် မတ်လများတွင် ဆည်ရေရရှိသော ကျောက်ဆည်၊မြစ်သားနှင့် မိတ္ထီလာ ခရိုင်တို့တွင် စိုက်ပျိုးလေ့ရှိကြပါသည်။ ယခုနှစ်တွင် ကျောက်ဆည်မြို့နယ်၌ ဧက (၂၀၀)၊ မြစ်သားမြို့နယ်၌ ဧက (၅၀၀)၊ မိတ္ထီလာခရိုင်တွင် ဧက (၂၄၀၀)ခန့်နှင့် ရမည်းသင်းခရိုင် တွင် ဧက (၈၀၀၀)ကျော် စိုက်ပျိုးရန် လျာထားပြီး ယခင်နှစ် စိုက်ဧကများမှာ ကျောက်ဆည်မြို့နယ်တွင် ဧက(၃၀၀)၊ မြစ်သားမြို့နယ်တွင် ဧက (၃၄၀)ခန့်နှင့် မိတ္ထီလာခရိုင်တို့တွင် ဧက(၉၀)ကျော် စိုက်ပျိုးနိုင်ခဲ့ကြောင်း သက်ဆိုင်ရာ ဌာနများ၏ စာရင်းများအရသိရှိရပါသည်။ ဝါသီးနှံမှာ ပြည်တွင်းရှိ ဝါဂွမ်း၊ချည်ထည် စက်ရုံများသာမက ပြည်ပမှ ဝယ်လိုအားရှိသော သီးနှံဖြစ်ပြီး ဝါဂွမ်းဈေးနှုန်းအနေနှင့် လက်ရှိအချိန်တွင် တစ်ပိဿာလျှင် ၅၀၀ဝိ/- မှ ၅၂၀ဝိ/- ရှိကြောင်း ဈေးကွက်မှ သိရှိရပါသည်။
DOCA(မန္တလေး)