စားသုံးသူရေးရာဦးစီးဌာန ၊ ပဲခူးတိုင်းဒေသကြီး၊ သာယာဝတီခရိုင်မှူးရုံးမှ တာဝန်ရှိသူသည် လက်ပံတန်းမြို့နယ်၊ မိုးအိုင်အုပ်စု၊ သဖန်းကုန်းကျေးရွာရှိ တောင်သူဦးကျော်လေး၏ မတ်ပဲစိုက်ခင်းသို့ (၂၂.၂.၂၀၂၂) ရက်နေ့ (၁၀: ၀၀) နာရီ အချိန်တွင် မတ်ပဲသီးနှံ စိုက်ပျိုးထားရှိမှု အခြေအနေနှင့် သွင်းအားစု စိုက်ပျိုးရေး ဆေးသုံးစွဲမှု အခြေအနေများအား တွေ့ဆုံမေးမြန်းခဲ့ပါသည်။
မတ်ပဲစိုက်တောင်သူဦးကျော်လေးမှ မတ်ပဲတစ်ဧကကို ပိဿာ ၂၀ စိုက်ပျိုးရပြီး ပဲတီစိမ်းစိုက်သူရှိ သော်လည်း မတ်ပဲကိုသာ အများဆုံးစိုက်ပျိုးလျှက်ရှိပါကြောင်း၊ စိုက်ပျိုးချိန်တွင် ပဲမျိုး ၅၀၀၀၀ ဈေးထိဝယ်ရပြီး ယခင်ကထွန်စက်ခ တစ်ထပ်လျှင် ၁၀၀၀၀ကျပ်ပေးရပြီး ယခုအခါထွန်စက်ခ တစ်ထပ်လျှင် ၁၅၀၀၀ကျပ် ပေးရကြောင်း၊ စိုက်ပျိုးပြီး အပင်ပေါက် ၁၅ရက်ကျော်လျှင် ပိုးသတ်ဆေး၊ အပင်အားဆေး၊ အသီးအပွင့်အားဆေးပက်ဖျန်းပေးရကြောင်း၊ ပဲရိတ်သိမ်းချိန် အထိခန့်မှန်းကုန်ကျစရိတ် ၂၀၉၀၀၀ကျပ်ခန့် ကုန်ကျကြောင်း၊ တစ်ဧက အထွက်နှုန်းမှာ ၁၅ တင်းကျော်ခန့်သာ ထွက်ရှိပြီး တစ်တင်းပေါက်ဈေးနှုန်း ၄၀၀၀၀ကျပ်ရှိကြောင်း၊ ပွဲရုံများသို့ ရောင်းချရကြောင်း ၊ မတ်ပဲတစ်ဧကဝင်ငွေမှာ ၆၀၀၀၀၀ ကျပ်ခန့် ရရှိကြောင်း၊ တစ်ဧကစိုက်ပျိုးလျှင် ၄၀၀၀၀၀ကျပ်နီးပါးခန့် အမြတ်ရရှိကြောင်း မတ်ပဲစိုက်တောင်သူ ဦးကျော်လေး ထံမှသိရှိရပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)