သာယာဝတီခရိုင်၊ မိုးညိုမြို့နယ်တွင် အစေ့ထုတ်ပြောင်း ယခုနှစ် စိုက်ပျိုးဧကမှာ (၆၀၈၉) ဧက ရှိပြီး၊သာယာဝတီခရိုင်အတွင်း စိုက်ဧကပေါင်းမှာ (၉၅၂၄)ဧကရှိသဖြင့် မိုးညိုမြို့နယ်သည် အစေ့ ထုတ်ပြောင်း အများဆုံးစိုက်ပျိုးသောမြို့နယ်ဖြစ်သည်။ ယခုနှစ်တွင် အစေ့ထုတ်ပြောင်းပေါ်စ အချိန်မှစပြီး ဈေးကောင်းရရှိနေပါသည်။
မိုးညိုမြို့ပေါ်ရှိ ကုန်သည်ကြီးများမှ ပြောင်းစိုက်ခင်းများထိ ယခုလက်ရှိပေါက်ဈေးပိဿာ (၂၀) ဈေးနှုန်း (၁၆၂၀၀) ကျပ်ဈေးဖြင့် ကွင်းထိလာရောက်ဝယ်ယူနေကြောင်း သိရှိရပါသည်။ ယခင်နှစ် ပြောင်း စပေါ်ချိန်တွင် ပိဿာ(၂၀)ဈေးနှုန်းမှာ (၁၀၀၀၀)ကျပ်သာရှိခဲ့ပါသည်။ မိုးညိုမြို့ပေါ်တွင် ယခုလက်ရှိ ပွဲရုံပေါက်ဈေး တစ်တင်းလျှင် (၁၇၃၀၀)ကျပ်ပေါက်ဈေးရှိနေကြောင်းသိရှိရပြီး အစေ့ထုတ်ပြောင်း တစ်ဧက ကုန်ကျစရိတ်အနေဖြင့် ငါးသိန်းကျပ်ကျော် ကုန်ကျပြီး၊ တစ်ဧကပျှမ်းမျှ အထွက်တင်းအနေဖြင့် (၇၉) တင်း ကျော်နှုန်းထွက်ရှိသည့်အတွက် တစ်ဧကဝင်ငွေအကျိုးအမြတ်မှာ (၁၂၇၉၈၀၀)ကျပ် ဝင်ငွေရရှိနိုင်ပြီး အကျိုးအမြတ် အနေဖြင့် (၇၄၀၀၀၀)ကျပ် အကျိုးအမြတ်ရရှိနိုင်ကြောင်းသိရှိရပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)