ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးသည် စားသုံးသူကာကွယ်ရေးလုပ်ငန်းများအပြင် ဈေးကွက်စီးပွားရေးစနစ်နှင့်အညီ ပုဂ္ဂလိကအခန်းကဏ္ဍဖွံ့ဖြိုးတိုးတက်အောင် အားပေးမြှင့်တင်ဆောင်ရွက်လျက်ရှိပြီး ကုန်သွယ်မှုလုပ်ငန်းလုပ်ငန်းများလျင်မြန်ချောမွေ့စေရေးအတွက် သက်ဆိုင်ရာအဖွဲ့အစည်းများနှင့်ပူးပေါင်းဆောင်ရွက်လျက်ရှိပါသည်။
၂၈-၅-၂၀၂၄ ရက်နေ့တွင် မင်္ဂလာတောင်ညွန့်မြို့နယ်အတွင်းရှိ အဲဗား၊ မိဘမေတ္တာ၊ Pro One စသည့် အိမ်ဆောက်ပစ္စည်းရောင်းချသည့်ဆိုင်များသို့သွားရောက်၍ ကွင်းဆင်း စစ်ဆေးခြင်းများဆောင်ရွက်လျက်ရှိရာ ဘိလပ်မြေဝယ်ယူရရှိမှုအခြေအနေနှင့် ဈေးနှုန်းဈေးကွက်အခြေအနေတို့အားဆွေးနွေးခဲ့ရာ ဆောက်လုပ်ရေးလုပ်ငန်းသုံးပစ္စည်းများနှင့် ဘိလပ်မြေတို့ကို မန္တလေးမြို့မှ အများဆုံးဝယ်ယူရောင်းချလျက်ရှိကြောင်း၊ ဈေးနှုန်းအနေဖြင့် Crown အမှတ်တံဆိပ် ဘိလပ်မြေတစ်အိတ်လျှင် ၁၁၅၀၀ကျပ်၊ Alpha အမှတ်တံဆိပ် ဘိလပ်မြေဈေးနှုန်းမှာ တစ်အိတ်လျှင် ၁၂၀၀၀ကျပ်၊ Max အမှတ်တံဆိပ် ဘိလပ်မြေတစ်အိတ်လျှင် ကျပ်၁၁၂၀၀တို့ဖြင့်ရောင်းချပေးလျက်ရှိပြီး ယခင်အပတ်ဈေးနှုန်းအောက် အနည်းငယ်သာကျဆင်းကြောင်း လုပ်ငန်းရှင်ထံမှသိရှိရပါသည်။
DOCA(ရန်ကုန်)