“ကျောက်ဆည်ခရိုင်တွင်ငရုတ်စိုက်ခင်းများအောင်မြင်ဖြစ်ထွန်းလျှက်ရှိ”

        မန္တလေးတိုင်းဒေသကြီး၊ ကျောက်ဆည်ခရိုင်သည် စိုက်ပျိုးရေးကိုအခြေခံ၍ သီးနှံမျိုးစုံအား စိုက်ပျိုးသည့်ဒေသဖြစ်ပါသည်။ဒေသအတွင်း စပါးကိုအဓိကထားစိုက်ပျိုးသော်လည်း နှမ်း၊ ပဲတီစိမ်း ၊ကုလားပဲငရုတ်စသည့်သီးနှံများကိုလည်း ရာသီအလိုက်စိုက်ပျိုးကြပါသည်။ ၄င်းသီးနှံများအနက် ငရုတ်သီးနှံကို ကျောက်ဆည်မြို့နယ်တွင် (၂၀၂၀)ဧက၊စဉ့်ကိုင်မြို့နယ်တွင်(၁၈၉၇)  ဧက ၊မြစ်သားမြို့နယ်တွင် ( ၉၆၈၆  )ဧက၊တံတားဦးမြိုနယ်တွင် ( ၁၀၃၇ )ဧက၊စုစုပေါင်း   ( ၁၄၆၄၀ ) ဧက စိုက်ပျိုးပြီးကြောင်း သက်ဆိုင်ရာဌာန၏စာရင်းများအရ သိရှိရပါသည်။ငရုတ်သီးနှံကို နိုဝင်ဘာလနှင့် ဒီဇင်ဘာလများတွင် စတင်စိုက်ပျိုးပြီး မတ်လနှင့်ဧပြီလများတွင် စတင်ခူးဆွတ်ကြောင်း သိရှိရပါသည်။ ငရုတ်မျိုးများအနေဖြင့် ယခုအချိန်ခါတွင် ပိုးမွှားဒဏ်ခံနိုင်ရည်ရှိပြီး အထွက်နှုန်းကောင်းမွန်သော သာမို၊ဒီမွန်၊အာစတာ၊၆၉၂ မျိုးများကိုစိုက်ပျိုးကြသော်လည်း တောင်သူများအနေဖြင့် ၆၉၂မျိုးကိုပိုမိုစိုက်ပျိုးမှုများကြောင်း းသိရှိရပါသည်။တစ်ဧကစိုက်ပျိုးရာတွင် ကုန်ကျစရိတ်အနေဖြင့် မျိုးစေ့ဝယ် ၊ ပျိုးထောင် ၊ မြေပြင်ထွန်ယက်စိုက်ပျိုးသည်မှ နွားချေး၊ ဓါတ်မြေသြဇာစသည့် သွင်းအားစုများနှင့် စိုက်ပျိုးသည်မှခူးဆွတ်သည့်အထိ လုပ်သားခစုစုပေါင်း(၁၂၀၀၀၀၀/-)ကျပ် ဝန်းကျင်ခန့်ကုန်ကျ ကြောင်းသိရှိရပါသည်။အထွက်နှုန်းကောင်းမွန်သောမျိုးများဖြစ်သည့်အတွက် စတင်ခူးဆွတ်သည်မှ ပြီးဆုံးသည်အထိပျမ်းမျှအားဖြင့်တစ်ဧကလျှင်ငရုတ်သီးအခြောက်ပိဿာ(၅၀၀-၆၀၀)ဝန်းကျင်ထွက် ရှိကြောင်း၊ငရုတ်သီးအခြောက်စျေးနှုန်းအနေဖြင့် ယခင်နှစ်တွင် တစ်ပိဿာ(၂၅၀၀/- ၃၀၀၀/-)ကျပ် ဝန်းကျင်ရှိခဲ့ရာ ယခုကာလပေါက်စျေးမှာ(၃၈၀၀-၄၀၀၀)ကျပ် စျေးနှုန်းများဖြင့် အရောင်းအဝယ်ဖြစ်နေကြောင်း သိရှိရပါသည်။ယခုအချိန်ခါတွင်ငရုတ်စိုက်ခင်းများ၌ ငရုတ်သီးများစတင်ထွက်ရှိခြင်းမရှိဘဲ အဖူးအပွင့်ဝေဝေဆာဆာဖြင့် အောင်မြင်ဖြစ်ထွန်းလျက်ရှိရာ တောင်သူများ အနေဖြင့် ယခုကာလပေါက်စျေးနှင့်ဆိုလျှင် အကျိုးအမြတ်ရရှိနိုင်ကြောင်း ငရုတ်စိုက်တောင်သူတစ်ဦး၏ ပြောပြချက်အရ သိရှိရပါသည်။

DOCA(မန္တလေး)