မိတ္ထီလာခရိုင်အတွင်းရှိ ကြက်သွန်နီများကို ရန်ကုန်၊ မြဝတီ၊ စစ်တွေ၊ မူဆယ်မြို့များသို့ တင်ပို့ရောင်းချနေကြောင်း သိရပါသည်။ ကြက်သွန်နီများကို စစ်တွေမြို့မှတဆင့် ဘင်္ဂလားဒေ့သို့လည်းကောင်း မြဝတီမှ ဗီယက်နမ်သို့လည်းကောင်း တင်ပို့ကြောင်း ကုန်သည်များထံမှ သိရှိရပါသည်။ ကြက်သွန်နီစျေးနှုန်းမှာ ဇန်နဝါရီ တွင် ၁ ပိဿာ (၄၅၀/၅၀၀) ကျပ်ရရှိ၍ ဖေဖော်ဝါရီလတွင် (၅၀၀/၆၀၀) ကျပ်အထိ စျေးနှုန်းတက်လာကြောင်း တွေ့ရှိရပါသည်။ မိတ္ထီလာမြို့မှ ကြက်သွန်နီများကို ယခင်အပတ်တွင် (၂၈၇) တန် တင်ပို့နိုင်ခဲ့ပြီး ယခုအပါတ်တွင် (၃၈၃) တန် တင်ပို့ရောင်းချနိုင်သည့်အတွက် ကြက်သွန်နီဝယ်လိုအားများနေကြောင်း သိရပါသည်။
DOCA(မန္တလေး)