မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ကြက်သွန်နီကုန်စည်ဒိုင်တွင် ကြက်သွန်နီစိုက်ပျိုးရာ ဒေသများဖြစ်ကြသော ပေါက်၊ ဆိပ်ဖြူ၊ ရေပြာ၊ ကမ္မ၊ ရေစကြိုနှင့် ပခုက္ကူကျွန်းများမှ ဆောင်းစိုက်ပင်စိုက်များ အရောင်းအဝယ်ဖြစ်လျက်ရှိသည့်အပြင် အခြားဒေသများဖြစ်သော ပုလဲ၊ မြင်းခြံမြို့၊ တောင်သာမြို့နယ်၊ ညောင်ဦးမှ ဆောင်းစိုက်(ပင်စိုက်)ကြက်သွန်နီများ ဝင်ရောက်အရောင်းအဝယ်ဖြစ်နေပါသည်။
၂၀၂၄ခုနှစ်၊ ဇွန်လ(ဒုတိယပတ်)တွင် ပခုက္ကူကြက်သွန်နီကုန်စည်ဒိုင်၏ ကြက်သွန်နီဒိုင်ပြတ်ဈေးမှာ ပေါက်နယ်(ယောစ) ထိပ်စတစ်ပိဿာလျှင် (၁၉၅၀)ကျပ်၊ အလတ်စတစ်ပိဿာလျှင် (၁၆၅၀) ကျပ်၊ အနိမ့်စတစ်ပိဿာလျှင် (၁၂၅၀)ကျပ်၊ ပုလဲကြက်သွန်နီ ထိပ်စတစ်ပိဿာလျှင် (၂၁၀၀)ကျပ်၊ အလတ်စတစ်ပိဿာလျှင် (၁၈၀၀)ကျပ်၊ အနိမ့်စတစ်ပိဿာလျှင် (၁၅၀၀)ကျပ်ဖြင့် နေ့စဉ် ကုန်ချိန်ပိဿာ (၅၀၀၀၀မှ ၁၀၀၀၀၀)ကျော်အရောင်းအဝယ်ဖြစ်နေပြီး မြို့မစည်ပင်သာယာဈေးနှင့် အမှတ်(၂) ဈေးတို့တွင် ရောင်းချနေသောလက်လီဈေးမှာ ထိပ်စတစ်ပိဿာလျှင် ကျပ် (၂၅၀၀)၊ အလတ်စတစ်ပိဿာလျှင် ကျပ် (၂၃၀၀)နှင့် အနိမ့်စတစ်ပိဿာလျှင် ကျပ် (၂၀၀၀) ဖြင့်ရောင်းချနေကြောင်း၊ တင်ပို့မှုအနေဖြင့် ရန်ကုန်ဘုရင့်နောင်နှင့် ပြည်ပနိုင်ငံဖြစ်သော တရုတ်နိုင်ငံသို့လည်းတင်ပို့နေကြောင်း ကုန်သည်များထံမှသိရှိရပါသည်။
DOCA(မကွေး)