“ကော့မှူးမြို့နယ်၊ အထွေထွေအုပ်ချုပ်ရေးဦးစီးမှူးရုံးတွင် လုပ်ငန်းညှိနှိုင်းအစည်းအဝေးကျင်းပခြင်း”

    ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ တောင်ပိုင်းရပ်ကွက်ရှိ မြို့နယ်အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ မြို့နယ်အဆင့်ဌာနဆိုင်ရာများ၊ ရပ်ကွက်ကျေးရွာများမှ အုပ်ချုပ်ရေးမှူး၊ စာရေးများနှင့် လုပ်ငန်းညှိနှိုင်းအစည်းအဝေးကို ၂၀၂၄ခုနှစ်၊ ဇွန်လ(၅)ရက်နေ့၊ နံနက်(၁၀း၀၀)နာရီအချိန်တွင် ကျင်းပခဲ့ကြောင်းသိရသည်။

    အဆိုပါအစည်းအဝေးတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ဒေဝက ၂၀၂၄ခုနှစ်၊ မိုးစပါးစိုက်ပျိုးရာသီတွင် စိုက်ဧကများအား တိုက်ရိုက်မျိုးစေ့ချကိရိယာ(Seeder)ဖြင့်စိုက်ပျိုးရန်၊ ကားလမ်းဘေး ဝဲယာရှိ စံပြစိုက်ဧကများတွင်လည်း (Seeder)ဖြင့်စိုက်ပျိုးသွားရန်၊ (Seeder)ဖြင့်စိုက်ပျိုးဧကစာရင်း၊ မြေပြင်ပြုပြင်မှုအခြေအနေနှင့် မိုးစပါးစိုက်ပျိုးမှုစာရင်းအား အပတ်စဉ် သောကြာနေ့တိုင်းတင်ပြရန်၊ မိုးစပါးစိုက်တောင်သူများ၊ သီးထပ်စိုက်ပျိုးမည့်တောင်သူများအနေဖြင့် ပျက်စီးဆုံးရှုံးများမဖြစ်ပွားစေရေး မိုးလေဝသသတင်းကိုနားထောင်ကြရန်၊ တိုက်ရိုက်ပျိုးစေ့ချကိရိယာ(Seeder)များအသုံးပြု၍ မိုးစပါးသီးထပ်သီးနှံများစိုက်ပျိုးပါက ရရှိလာမည့်အကျိုးကျေးဇူးများကို တောင်သူများသိနိုင်အောင် သက်ဆိုင်ရာဌာနများအနေဖြင့် အသိပညာပေးခြင်းနှင့် လက်ကမ်းစာစောင်များဖြန့်ဝေသွားရန်၊ လယ်ယာမြေအပေါ်တွင် ခွင့်ပြုချက်မရှိဘဲ အခြားနည်းအသုံးပြုမှုမရှိစေရေး ကြပ်မတ်ဆောင်ရွက်သွားရန်၊ ရပ်ကွက်ကျေးရွာအုပ်ချုပ်ရေးမှူးများနှင့် စာရေးများအနေဖြင့် ကျောင်းသား/သူများ အေးငြိမ်းစွာကျောင်းတက်နိုင်ရေး ပူးပေါင်းဆောင်ရွက်သွားကြရန်၊ ကျောင်းနေရမည့်ကလေးများအားလုံး ကျောင်းအပ်နှံနိုင်ရေး၊ ကျောင်းရောက်ရှိရေးတို့ကိုဆောင်ရွက်သွားကြရန် မိုးရာသီတွင် ရာသီတုပ်ကွေးကြိုတင်ကာကွယ်နိုင်ရေးအတွက် ကျန်းမာရေးဌာနများနှင့်ချိတ်ဆက်ဆောင်ရွက်သွားကြရန်၊ သဘာဝဘေးဖြစ်စဉ်များပေါ်ပေါက်လာပါက အချိန်နှင့်တပြေးညီတင်ပြရန် ပြောကြားခဲ့ကြောင်းသိရသည်။

      ထို့နောက် တက်ရောက်လာသောဌာနဆိုင်ရာများနှင့် ရပ်ကွက်ကျေးရွာများ၊ အုပ်ချုပ်ရေးမှူးနှင့် စာရေးများက မိမိတို့ဌာနဆိုင်ရာများ၊ ရပ်ကွက်အုပ်ချုပ်ရေးမှူးများပူးပေါင်းဆောင်ရွက်နေသည့် လုပ်ငန်းများကိုဆွေးနွေးခဲ့ကြောင်းသိရှိရပါသည်။

DOCA(ရန်ကုန်)