![](http://www.doca.gov.mm/sites/default/files/styles/consumer_inner_image__847x424_/public/5.10_3.jpg?itok=WYmTgYYZ)
တောင်ငူမြို့တွင် မိုးဦးကျကာလတွင် ပေါ်သော အင်ဥများကို လူကြိုက်များ၍ ရောင်းအားကောင်းပါသည်။ အင်ဥများကိုလှီး၍ ကြက်သွန်နီ၊ ငရုတ်သီးစိမ်းတို့နှင့် ကြော်ပြီး ထမင်းပူပူလေးနှင့် စားရသည်မှာ ထမင်းမြိန်လှပါသည်။
အင်ဥဆိုသည်မှာ မိုးဦးကျကာလ မိုးရွာလိုက် နေပူလိုက်ဖြစ်နေချိန်တွင် အင်ရွက်အဆွေး များမှပေါက်သော မှိုတစ်မျိုးဖြစ်ပါသည်။ ပရိုတိန်းဓါတ်ကြွယ်ဝသော ကိုယ်ခံအားကောင်းစေသကဲ့သို့ ကြွက်သားများကိုလည်း သန်မာစေပါသည်။
၂၀၂၄ခုနှစ် ဇွန်လဒုတိယအပတ်တွင် တောင်ငူမြို့ ညောင်ပင်လေးဈေးတွင် အင်ဥနို့ဆီတစ်ဘူးလျှင် ၁၅၀၀ ကျပ်မှ ၂၀၀၀ ကျပ် အထိ၊ တစ်ပြည်လျှင် ၁၂၀၀၀ ကျပ်မှ ၁၆၀၀၀ ကျပ်အထိ ရောင်းရကြောင်းနှင့် ရာသီပေါ်ဖြစ်သဖြင့် လူကြိုက်များ၍ ရောင်းအားကောင်းကြောင်း အင်ဥရောင်းချသူများထံမှ သိရပါသည်။
DOCA(ပဲခူး)