![](http://www.doca.gov.mm/sites/default/files/styles/consumer_inner_image__847x424_/public/98_6.jpg?itok=hHhzNPP5)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံးမှ ဦးသန်းစိုး(ဦးစီးအရာရှိ)သည် ညောင်ဦးခရိုင်၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ခရိုင်/မြို့နယ်မီးသတ်ဦးစီးဌာတို့မှ တာဝန်ရှိသူများနှင့်အတူပူးပေါင်း၍ (၅-၆-၂၀၂၄) ရက်နေ့၊ နေ့လယ် (၁၃:၀၀)နာရီအချိန်တွင် ညောင်ဦးမြို့ရှိ မြင်းပျံ အမှတ်တံဆိပ် ပုန်းရည်ကြီးလုပ်ငန်းခွင်သို့သွားရောက်ကာ ကွင်းဆင်းမှုများဆောင်ရွက်ခဲ့ကြပါသည်။
စားသုံးသူရေးရာဦးစီးဌာန၊ ဦးသန်းစိုးသည် လုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များနှင့် ထုပ်ပိုးမှုအပြင်အဆင်ပေါ်တွင် ကုန်အညွှန်းအမှတ်အသားများကို သတ်မှတ်ချက်များနှင့်အညီ ထည့်သွင်းဖော်ပြရန်နှင့် သက်ဆိုင်ရာဌာနများ၏ ထောက်ခံချက်များ၊ ဥပဒေပါပြဋ္ဌာန်းချက်များကိုလည်း သိရှိလိုက်နာဆောင်ရွက်ရန်လိုအပ်ကြောင်း၊ ပုန်းရည်ကြီးသည် ပုဂံ၊ ညောင်ဦးဒေသ၏ နာမည်ကြီးဒေသထုတ်ကုန်တစ်ခုဖြစ်ပါ၍ အရည်အသွေးကောင်းမွန်ပြည့်ဝပြီး သတ်မှတ်ချက်များပြည့်ပြည့်စုံစုံဖြင့် ပြည်တွင်းဈေးကွက်တွင်သာမက ပြည်ပဈေးကွက်အထိ တွင်ကျယ်စေရန် အစိုးရဌာနများအနေဖြင့်လည်း ဖြည့်ဆည်းကူညီပေးလျက်ရှိပါကြောင်း၊ ဆက်လက်၍ သက်ဆိုင်ရာဌာနများအနေဖြင့် အဆင့်မြင့်ထုပ်ပိုးမှုများလုပ်ဆောင်လာနိုင်ရေး၊ Automating Systems အဆင့်မြင့်စက်ကိရိယာများအသုံးပြုလာနိုင်ရေးနှင့် မီးဘေးအန္တရာယ်လုံခြုံမှုအစီအမံများရှိစေရေးတို့အတွက် အသိပညာပေးရှင်းလင်း၍ MSMEs လုပ်ငန်းများဖွံ့ဖြိုးတိုးတက်ရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် ကွင်းဆင်းစစ်ဆေးမှုများဆောင်ရွက်ခဲ့ကြောင်းသိရှိရပါသည်။
DOCA(မန္တလေး)