![](http://www.doca.gov.mm/sites/default/files/styles/consumer_inner_image__847x424_/public/123_15.jpg?itok=S8oiNgtr)
စားသုံးသူရေးရာဦးစီးဌာန၊ မြောက်ပိုင်းခရိုင်၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့် (ဒုတိယကြီးကြပ်ရေးမှူး) ပါ ဝန်ထမ်း(၂)ဦးတို့သည် ၁၂-၆-၂၀၂၄ ရက်နေ့၊ နံနက် (၁၀:၃၀) နာရီအချိန်တွင် မှော်ဘီမြို့နယ်၊ မြို့မဈေးကုန်စုံဆိုင်များသို့သွားရောက်ကာ စားအုန်းဆီနှင့်ပတ်သက်၍ ကွင်းဆင်းဆောင်ရွက်ခြင်းလုပ်ငန်းများဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် မှော်ဘီခရိုင်၊ ထန်းတပင်မြို့နယ်တွင် ကုမ္ပဏီ (၆)ခုရှိပြီး ရရှိခွဲတမ်းများကို လက်လီရောင်းချသူများ၊ ဈေးအတွင်း၊ ဈေးအပြင်၊ ရပ်ကွက်ကုန်စုံဆိုင်၊ စားသောက်ဆိုင်၊ ဝန်ထမ်းများသို့ ခွဲဝေပေးခဲ့ကြောင်းသိရှိရပြီး ဆက်လက်၍ လက်လီကိုယ်စားလှယ်များဖြစ်သော ဦးအောင်မြင်သူနှင့် ဒေါ်အိချောကုန်စုံဆိုင်များအား ကွင်းဆင်းစစ်ဆေးခဲ့ရာ စားသုံးသူပြည်သူတစ်ဦးလျှင် (၅၀)ကျပ်သားနှုန်းဖြင့် ရောင်းချပေးနေကြောင်းသိရှိရပြီး ဌာနအနေဖြင့် စားအုန်းဆီများကို လက်ကျန်မထားရန်၊ တစ်နေ့စာ တစ်နေ့ကုန်အောင်ရောင်းပြီး ဈေးနှုန်းကိုလည်းမြှင့်တင်မရောင်းချကြရန်နှင့် ရောင်းချပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူမည်ဖြစ်ကြောင်း အသိပေးပြောကြားခဲ့ပါသည်။
DOCA(ရန်ကုန်)