စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဦးဇော်မျိုးထွန်း၊ ဦးစီးမှူးပါ ဝန်ထမ်း(၃)ဦးတို့သည် ၁၄-၆-၂၀၂၄ ရက်နေ့၊ နံနက် (၁၀:၂၀) နာရီအချိန်တွင် ရွှေပြည်သာမြို့နယ်ရှိ စားသုံးဆီရောင်းချသောဆိုင်များသို့သွားရောက်၍ ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။
ထိုသို့ကွင်းဆင်းဆောင်ရွက်ခဲ့ရာတွင် ရွှေပြည်သာမြို့နယ်၊ ပြည်သူ့ကျန်းမာရေးဦးစီးဌာနမှ ဒေါက်တာဇင်မာအေး၊ အထွေထွေအုပ်ချုပ်ရေးဦးစီးဌာနမှ ဒေါ်စိုးစန္ဒာကျော် (ဒု-ဦးစီးမှူး)၊ မြို့နယ်စည်ပင်သာယာအုပ်ချုပ်ရေးဌာနမှ ဦးကျော်သူရထွေး (လက်ထောက်အုပ်ချုပ်ရေးမှူး)နှင့် ပတ္တမြားဈေးမှ ဒု-တာဝန်ခံများပူးပေါင်းပါဝင်လျက် ရောနှောဆီများဖြစ်သော ရွှေနန်းထိုက်၊ ရွေတောင်၊ ရွှေရောင်းရင်းနှင့် လာဒ်ရွှင်အမှတ်တံဆိပ်များတွေ့ရှိရပြီး စားသုံးဆီအမျိုးမျိုးဖြစ်သော ရန်ကုန်၊ အမွေထွား၊ တော်ဝင်၊ Cook၊ Meizan၊ Louts၊ ရွှေအုံ၊ Sunar နှင့် Goody ဆီအမျိုးအစားအားလုံးတွင် အခန်း(၁၈)၌ဖော်ပြထားသော ကုန်အညွှန်းအမှတ်အသားတွင် ပါဝင်ရမည့်အချက်အလက်များ ပြည့်စုံစွာပါရှိ၍ အမှတ်တံဆိပ်မပြည့်စုံသော ကုန်ပစ္စည်းများကိုမရောင်းချကြရန် သတိပေးပြောကြားခဲ့ကြောင်းသိရှိရပါသည်။
DOCA(ရန်ကုန်)