ကသာခရိုင်အတွင်းရှိ နိုင်ငံ့ဝန်ထမ်းများနှင့် ပြည်သူများအနေဖြင့် စားအုန်းဆီအား ဈေးနှုန်းသက်သာစွာဝယ်ယူသုံးစွဲနိုင်ရန်အလို့ငှာ ကသာခရိုင်အတွက် ခွဲတမ်းရရှိသော စားအုန်းဆီများအား ကသာခရိုင်စီမံအုပ်ချုပ်ရေးအဖွဲ့၏ လမ်းညွှန်မှုဖြင့် ကသာခရိုင်ကုန်ဈေးနှုန်းတည်ငြိမ်ရေးလုပ်ငန်းအဖွဲ့ဝင်များနှင့် စားသုံးသူရေးရာဦးစီးဌာနတို့ကြီးကြပ်ကာ စားအုန်းဆီကုန်သည်များနှင့်ပူးပေါင်း၍ စားအုန်းဆီများအား ပြင်ပပေါက်ဈေးထက် သက်သာသောနှုန်းထားဖြင့် ရောင်းချပေးလျက်ရှိပါသည်။
ထိုသို့ရောင်းချပေးလျက်ရှိရာ ၂၀၂၄ခုနှစ် ဇွန်လ(၁၂)ရက်နေ့တွင် ကသာမြို့ရှိ မြို့တော်ခန်းမ၌ ပြည်သူများအား စားအုန်းဆီတစ်ပိဿာလျှင် (၆၉၀၀) ကျပ်နှုန်းဖြင့် ပြည်သူ (၁) ဦးလျှင် (၁)ပိဿာနှုန်းရောင်းချပေးခဲ့ပြီး ပြည်သူ (၁၁၀၀) ဦးအတွက် ဆီပိဿာ (၁၁၀၀) ပိဿာရောင်းချပေးနိုင်ခဲ့ကြောင်းသိရှိရပါသည်။ ဆက်လက်၍လည်း စားအုန်းဆီခွဲတမ်းရရှိမှုအပေါ်မူတည်၍ ခရိုင်အတွင်းရှိ ဌာနဆိုင်ရာဝန်ထမ်းများနှင့် ပြည်သူများအား ရောင်းချပေးသွားမည်ဖြစ်ကြောင်းသိရှိရပါသည်။
DOCA(စစ်ကိုင်း)